جامعة العين ماجستير القانون العام؟؟

[ياسيه]

مساكم الله بالخير والعافية

اخواني وخواتي،،،

حد منكم يدرس ماجستير قانون عام في الجامعه، ممكن يفيدني عندى استفسارات بسيطة:d

[ياسيه]

52 مشاهده وماحد رد،،،،الله كريم

[themoon977]

تفضلي اختي شو تبين

أنا ادرس ماجستير قانون عام

[ياسيه]

صباح الخيرات

حبيت استفسر كم يوم في الاسبوع الدراسه؟؟ وكم ماده في الكورس نقدر ناخذها؟؟
وهل الماجستير العام فيه مواد بالانجلش؟؟

وجزاك الله خير

[themoon977]

وعليكم السلام ورحمة الله وبركاته

اولا على حسب المعدل اذا المعدل فوق ال 3 تقدرين تاخذين 3 مواد

واذا اقل يعطونج مادتين واذا يبتي معدل بي بلس في المادتين في الماجستير وفوق الكورس اللي بعده تاخذين 3

طبعا جميع المواد بالعربي ماعدا مادة (القانون الدولي العام ) فيه جزء بسيط عليه 10 درجات في امتحان السعي بس والباقي بالعربي

طبعا لازم تاخذين 8 مواد
6 اجباري
2 اختياري
الغالب الفصل الاول والثاني ينزلون 3 مواد في كل فصل
وعند صيفي 1 وصيفي 2 مادة وحدة في كل صيفي

وبعدين الرسالة

طبعا كل مادة اتنزلينها مدتها 3 ساعات ويوم واحد في الاسبوع بس والوقت الغالب من الساعه 5-8
يعني اذا خذتي 3 مواد بيكون 3 ايام في الاسبوع

اتمنى اني جاوبتج ع كل شي
واي استفسار انا حاضر

[ياسيه]

مشكوره فديتج ،،،
حبيت اعرف فيه ضغط في الدراسه من وجهه نظرج تعرفين دوام وبيت؟؟
والدكاتره شو رايج فيهم؟؟

[AL LEADER]

بالاضافة لكلام الاخت .. يبون ايلتس او توفل و ما تقدرين تسجلين بدونه

و هذا اللي ماخرني ):

[ياسيه]

al leader اخوي انا حاليا ادرس ايلتس وان شاء الله امتحاني اخر الشهر وان شاء الله ربي يكرمني واحصل المطلوب
اخوي نصيحه امتحن في جامعه ابوظبي وقبلها خذ دورة تحضيريه مدتها شهر ثلاث ايام في الاسبوع والامتحان خذه مختلط اكاديميك وجنرال بيكون اسهل،،،،

[مهدي النعيمي]

بس وين الاسهل جامعة ابوظبي الي مقرها فالعين ولا بوظبي؟

[ياسيه]

اخوي انا بمتحن في ابوظبي بس اهم شي في نفس الوقت الي تحجز فيه يكون فيه امتحانين اكاديمك وجنرال

[AL LEADER]

كيف اكاديمك و جنرال رباعة ؟؟ اللي اعرفه انه كل واحد بروحه .. الاكاديمك لداخل الدولة و الجنرال لخارج الدولة ؟

انا اخر امتحان لي كان سنة 2011 و كان اكاديمك

[ياسيه]

صباح الخير

ادري اخوي وكلمك صحيح، انا اقصد في جدول في الجامعه فيه الامتحانات مثلا الاحد امتحان جنرال وامتحان اكاديمي، الاثنين جنرال بس الثلاثاء اكاديمي ...... انا اقصد تختار يوم فيه الامتحانين بس انته تمتحن اكاديميك،،،،ان شاء الله وصلت الفكره...
دعواتكم انجح عاد :)

[AL LEADER]

نعم وصلت ... بالتوفيق

[themoon977]

نصيحة لكم اللي بيسجل امتحان الايلتس يسجل في المجلس البريطاني وهو موفر سماعات هيد فون لكل طالب في امتحان القسم السماعي وهذا بيفدكم بعكس الجامعات ما يوفرون وهذا يأثر عليكم بتلاقي يواحد يكح وواحد يعطس وبيضيع عليك

البريتش كانسل صاروا يمتحنون في العين جامعة العين وموفرين هيد فون

وبالنسبة لأسهل وأصعب كلهم نفس الشي الامتحان ياي من برع

انا امتحنت في جامعة بوظبي وجامعة الامارات ويبت نفس الدرجة مالها خص بالمكان

أهم شي اللي بيوفروه لك وانا توني عرفت المعلومه عن الهيد فون وبسجل في جامعة العين بس الممتحنين بييووون من المجلس البريطاني

[ياسيه]

اختى جامعه العين فرع ابوظبي فيها امتحانات الايلتس؟؟؟
وشكرا لك