أفرحوا معاي

[حائرة]

السلام عليكم ورحمة الله وبركاته

شو أخباركم أخواني أعضاء المنتدى الكرام .. حبيت أزف لكم خبر أفرحكم معاي وان شاء الله ربي لا يوري أحد ضيقة.. قبل فترة نزلت موضوع فالمنتدى عن حضانة الأطفال وكيف أستردها وخلافه .. والحمد لله رب العالمين على فضله ومنته بعد معاناة فالمحاكم لمدة 9 شهور وحرماني منهم .. حكم لي القاضي باسترجاعي لحضانتهم وكان الحكم في محكمة استئناف .. تم أصدار الحكم هذا الاسبوع .. فحبيت مثل ما شاركتكم في حزني انكم تكونون معاي في فرحي .. والله ييسر والمحامي يقدر يطلع ورقة التنفيذ بسرعه .. ادعولي اخواني لأني خايفة ان ابوهم يسافر فيهم وما أعرف عنهم شي .. والله اني بكيت يوم صدر الحكم والحمد لله والله يفرج ضيقة كل مكروب يارب ..

أختكم حائرة

[محمد ابراهيم البادي]

الف الف مبرك الحائرة
الله يعطيج على قد نيتج و ما يحبه لج ويرضاه

[حائرة]

أخي الكريم محمد البادي ..

الله يبارك فيك يارب والله يتمم فرحتي بشوفتهم

وشكرا على مرورك الطيب

جزيت الخير ان شاء الله

[الحقوقية]

ألف مبروك إختي، وقرة عينج بشوفتهم، والله يفرحج دوم إن شاء الله،ويسعدج.

[law student]

مبرووووووووك أختاه الله يقر عينج برؤيتهم و لا يحرمج منهم ،،، بس لا تنسين الحين المسؤلية عليج أكبر يعني بتتحملين دور الأب و الأم معاً عشان ما يحسون بالنقص ،،، الله يوفقج .

[hajis]

اسأل الله يا أختي انه يجمعج فيهم في الدنيا وآخره انشاءلله

[Hamsa]

*:.*.:**:.*.:* الفــ^ــ مبــــ^ـروك *:.*.:**:.*.:*

الله يخليهم لج ولا يحرمج منهم .. يعل افراحج دايمه يااااربي وان شاء الله تكون راحت حيرتج *.^

[قانون الغموض]

http://m002.maktoob.com/alfrasha/up/3258086361736423530.gif
ألف ألف مبروك ..تستاهلين يالغالية والله يفرج كل همومج ..عقبال ما تشوفينهم في حظنج
http://m002.maktoob.com/alfrasha/up/1341968031342307217.gif
أختج نـــ البــاني ـــون

[عقد القانون]

ألف ألف مبروووك أختي الكريمه وربي يخليج لهم ويحفظهم..~

||ّ||

الله يتمم ع خير وان شاء الله تقر عينج فيهم ربي ينور دربج..~