استفسار عن كيفية تنفيذ حكم لقضية عمالية

[ghali]

السلام عليكم
لو سمحتم انا رفعت قضيه عمالية بطالب الشركة بالرواتب المتأخرة ومستحقات نهاية الخدمة الخ واخت حكم الحمد لله والموظفة فى المحكمة قلتلى تيجى بعد أسبوع فكنت عايز اعرف اولا: ايه اللى بيتم لو الشركة عملت استئناف وكام المدة المتاحة لتقديم الاستئناف ثانيا: لو الشركة معملتش استئناف بردة ايه اللى بيتم ثالثا: هل ممكن الغى الاقامة حتى لو الشركة عملت استناف واكمل القضية وان على اقامة شركة جديدة
وشكرا وجزاكم الله كل خير

[محمد حسين إدريس أحمد]

تحياتى @ مدة الاستئناف ٣٠ يوما- بعد انقضاء مدة الاستئناف يجب عليك كتابة دعوى تنفيذية بالحكم الصادر وبعد اعلان الشركة بالدعوى التنفيذية وبعد انقضاء مدة خمسة عشر يوما من تاريخ اعلان المنفذ ضدها وإذا كانت الشركة قائمة وفى حال الاخيرة لم تبادر بإيداع المبلغ بخزينة المحكمة تقدم بطلب الحجز على الشركة اذا كانت قائمة وإلا قم بتقديم طلب ضبط وإحضار ممثل الشركة @ وبالتوفيق باذن الله

[ghali]

شكرا استاذ محمد على الرد والاهتمام
طاب لو الشركة عملت استئناف ايه اللى بيحصل بعد كدا وهل القضية بتبقا فى نفس الدائرة ولا بتتحول لدائرة تانية.
وهل لو الشركة عملت استئناف ممكن الغى الاقامة واكمل القضية وانا على اقامة شركة اخرى.
وشكرا وجزاك الله كل خير

[محمد حسين إدريس أحمد]

حاضرين على اى استفسار @ القضية بتتحول الى محكمة ثانى درجة مشكلة من قضاء اخرين .
تستطيع إكمال القضية مهما كان وضعك اذا كنت فى شركتك الحالية او التحقت بشركة اخرى

[ghali]

السلام عليكم
ما هى صيغة الدعوة التنفيذية؟؟ وما هى المدة التى تاخدها المحكمة تقريبا لاعلام الشركة بعد انقضاء شهر الاستئناف؟
شكرا جزيلا وجعله الله فى ميزان حسناتك

[محمد حسين إدريس أحمد]

القضية فى اى إمارة ؟

[ghali]

اماراة دبى

[محمد حسين إدريس أحمد]

لدى محكمة دبى الابتدائية
تنفيذ بالرقم //٢٠١٤ مدنى تجارى حسب نوع القضية
طالب التنفيذ اسمك بالكامل وفق الحكم محل التنفيذ
العنوان بالكامل
ضد
المنفذ ضده ؛ الاسم بالكامل
العنوان بالكامل
الموضوع تنفيذ الحكم الصادر اكتب رقم الدعوى والسنة والقاضى من حيث المنطوق اكتب منطوق الحكم كاملا
اعمل جدول
اولا :- اكتب المبلغ المحكوم به
ثانيا :-اكتب رسوم الدعوى
ثالثا: مصاريف الدعوى
رابعا:- اذا كانت هنالك فائدة قانونية
اكتب اسمك بالكامل ووقع على الطلب وصور اللائحة على ثلاثة نسخ
بعد التوقيع .

[ghali]

السلام عليكم
لو سمحت ايه الاوراق المطلوبة المفروض اخدها معايا وانا رايح اقدم مذكرة تنفيذ الحكم.
وشكرا على سرعة الرد والمساعدة
جزاك الله كل خير