طلاب و طالبات جامعة الشارجة دخلوا عندي استفسار

[rose99]

,


ما بطلب منكم بحث ولا تقرير ولا إجابات حل قضية قانونية
عسسسب جي كل اللي يدشون يردون عليه :D

ترآني أراقب كم وآحد شآهد الموضوع خخخ :cool:

,

،

بختصار لآ أطنشوني :(

.

.

عندي أستفسآرت بخصوص موآد بنزلها للكورس آلياي
و أسئلة عن بعض الدكاترة ’ و أدري فيكم ما بتقصرون وياي ;)

ـ


شو رآيكم في هالمواد ، يعني بحط لكم المادة تفلسفوا علي أخذها أو لا , إذا لا ليش :confused: و كيف نمط أمتحان هالمادة ؟؟ . . وكل شي تعرفونه , أوكي :p


* مساق مدخل إلى الإقتصاد (أخذها عند الدكتور :الدكتور أسامة زغدود أو الدكتور عوني حبيب أو الدكتورة سعاد محمد شريف)


* مساق قانون حماية البيئة (يطرحها فقط الدكتور موسى شحادة)


* مساق المدخل إلى الفقه الإسلامي (أخذها عند الدكتورة فاطمة آل علي أو وفاء عز الدين)


* مساق علم الإجرام و العقاب (يطرحها فقط الدكتور مؤيد القضاة)


.

.

و عندي أستفسار بخصوص هالدكاترة من ناحية التدريس و أمتحاناتهم كيف وسهلة ولا صعبة !

^الدكتور سام سليمان
^الدكتور أعاد القيسي
^الدكتور محمود فياض
^الدكتور أحمد فرح
^الدكتور مظفر الراوي
^الدكتور جهاد عبدالعزيز
^الدكتورة رشا حطاب
^الدكتورة لطيفة الداودي > أهم شي لأن أبا أنزل مادة هي تطرحها

ـ

آلمهم آللحين ساعدوني بخصوص المواد آللي طرحتها أنزلها أو لا ؟
وخاصة مادة مدخل الإقتصاد و حماية البيئة لأني ناوية أنزلهم :o
و و خبروني تجاربكم بخصوص الدكاترة اللي حطيت أسمائهم
يعني أوكي في الشرح ولا و توزيعهم لدرجات الإمتحان أوكي :rolleyes:
لأن هالكورس مسجلة متأخره و نزلت مواد ما أباها و مب حاطة في بالي أصلاً إني أخذها اللحين ، بس شو أسوي :( و أنصدمت من دكتورة بدون ما أذكر أسمها كله أتم تنطز على البنات و أنا ما أتحمل أيلس فالكلاس جي > تضربني قشعريرة هههههه
عسسب جي قلت بسجل من وقت وبختار مساقاتي ويا دكاترة أنا أرتاح يوم أدش كلاسهم ما أتم متنرفزة لآن أهم شي الأسلوب الطيب عسب يجذب أنتباه الطلاب ، مب حد يطنز ويرفع الضغط ;) على العموم أتريا إجاباتكم

ـ

ملاحظة : أنا من جامعة الشارجة الفرع الرئيسي بس هذا ما يمنع أنكم ما تردون يعني إذا كنتوا من فرع ثاني عادي أنصحوني بخصوص المواد :p

لحد يدش ويكتب كلهم دكاترة و ما أدري شو :rolleyes:
لأن طرحت هالموضوع عسب أكمل مسيرتي فالقانون بحيث أكون مرتاحة من حيث المادة و من حيث مدرس المساق > إن شاء الله فهمتوا عليه :D
وهالموضوع مافيه خلاف :cool:


O M G

كتبت وايد وصبوعي عورني ههههههه
المهم بعد نسيت أكتب

الدكتور أسامة زغدود هو نفسه الدكتور أسامة البطاينة ولا غيره ؟

أترياكم ;)

[The Prince]

كلهم دكاترة :)
والله يوفقج

[rose99]

كلهم دكاترة :)
والله يوفقج



لحد يدش ويكتب كلهم دكاترة و ما أدري شو :rolleyes:
لأن طرحت هالموضوع عسب أكمل مسيرتي فالقانون بحيث أكون مرتاحة من حيث المادة و من حيث مدرس المساق > إن شاء الله فهمتوا عليه :D
وهالموضوع مافيه خلاف :cool:[/size]


أيوا :o
مشكورة عالرد ;)

[طالبة علم2014]

بخصوص المواد بعدني ما درستهم بس عرفت من ربعي أن مساق * المدخل إلى الفقه الإسلامي*هم درسوه عند فاطمه يقولون أنها شديده معاهم ونصحوني ما اخذ عندها .
اما عن الدكاتره فألي درسوني هم
^الدكتور أحمد فرح (شرحه جيد لكنه مايحب الغياب حتى لو غايبه بعذرويحب الالتزام الالتزام الالتزام )
^الدكتور مظفر الراوي (مادرسني بس ان شاء الله بدرس عنده تجاري نصحوني فيه)
^الدكتورة لطيفة الداودي (شرحها جيد تقراء من السلايدات وامتحاناتها سهله وهي طيبه )

وبعد تامرين بشيء ترانا فالشوفه .....

[رهف]

أنا درست عند الدكتور مظفر الراوي مادة المدخل إلى علم القانون وصراحة كان مرررة طيب واختباراته مرررررررة سهلة وما يطلب واجبات صعبة، ويساعد في درجات المشاركة، بس إنه ما يحب الإزعاج وإذا عاندتيه ممكن يحطك في راسه، ولو في شي ما فهمتيه روحيله المكتب ومرة يساعدك ويشحلك بأمانة، وخصوصا إنك تبي تاخذي عنده مادة التجاري وهو تخصصه تجاري يعني حيكون فاهم للمادة
أما بالنسبة للدكتور أحمد فرح أنا درست عنده تجاري وأشوف شرحه وأسلوبه رهييب، يعني ما يعتمد بس على التلقين، لا وكمان يحاول يخليكي توظفي المعلومة ويجيبلك أمثلة ويسهلك المعلومة، بس في بنات يقولول عنه إنه قاسي وجدي بس أنا أشوف إنو دا الشي طبيعي في الدكتور، ويحب الالتزام والمشاركة، يعني إذا ما تشاركي وتسألي وتتفلسفس ما حيعطيكي درجة المشاركة كاملة، واختباراته شوييية صعبة، هي مو صعبة بس هيا فيها تحدي وأن أشوف إنو دا الشي إيجبي في الامتحانات لأنه يخليكي تفكر مو بس تحفظي
وبالنسبة للدكتورة لطيفة الداودي أن الصراحة ما عجبتني مرة، لأنهه بس تقرأ من السلايدات ما تشرح من عندها ولا شي، يعني لو تقرأي الكتاب كأنك حضرتي المحاضرة. وكمان ما تشجع عالمشاركة والأسئلة، يعني تفشل البنات بعض الأحيان فالبنات يسيرو يستحو يشاركو، وكمان مرة شديدة وما تحب أي كلمة وما تحب تناقشيها في الدرجات ولا الامتحان ولا الغياب، بس امتحاناتها عموماً سهلة لأنها كلها مأخوذة نصاً من الكتاب يعني ما فيها غموض أبداً بس إنها تركككككز في الإجابة وتبغاكي تكتبي كلللل شي تعرفي عن السؤاال في الإجابة ... وبسس
هما دول الدكاترة إلى أعرفهم :)

[rose99]

بخصوص المواد بعدني ما درستهم بس عرفت من ربعي أن مساق * المدخل إلى الفقه الإسلامي*هم درسوه عند فاطمه يقولون أنها شديده معاهم ونصحوني ما اخذ عندها .
اما عن الدكاتره فألي درسوني هم
^الدكتور أحمد فرح (شرحه جيد لكنه مايحب الغياب حتى لو غايبه بعذرويحب الالتزام الالتزام الالتزام )
^الدكتور مظفر الراوي (مادرسني بس ان شاء الله بدرس عنده تجاري نصحوني فيه)
^الدكتورة لطيفة الداودي (شرحها جيد تقراء من السلايدات وامتحاناتها سهله وهي طيبه )

وبعد تامرين بشيء ترانا فالشوفه .....

تسلمين غلاي عالرد ..
أستاانست حد رد علي ههههه
أنا ناويه أدرس إن شاء الله عند الدكتور مظفر ، وايد بنات يمدحون شرحه ..
حلو الدكتور اللي يشرح بدون عصبية ويتفهم مب العصبي اللي يخليج تكرهين المادة
لأني إذا كرهت أسلوب دكتور مستحيل أتقبل المادة > حد نفسي :eek:
أحمد فرح شوي جدي لأن ربيعتي درسها يحب يشوف البنت المتميزة من أسألته
الدكتورة لطيفة أي مادة درسج ؟؟

[rose99]

أنا درست عند الدكتور مظفر الراوي مادة المدخل إلى علم القانون وصراحة كان مرررة طيب واختباراته مرررررررة سهلة وما يطلب واجبات صعبة، ويساعد في درجات المشاركة، بس إنه ما يحب الإزعاج وإذا عاندتيه ممكن يحطك في راسه، ولو في شي ما فهمتيه روحيله المكتب ومرة يساعدك ويشحلك بأمانة، وخصوصا إنك تبي تاخذي عنده مادة التجاري وهو تخصصه تجاري يعني حيكون فاهم للمادة
أما بالنسبة للدكتور أحمد فرح أنا درست عنده تجاري وأشوف شرحه وأسلوبه رهييب، يعني ما يعتمد بس على التلقين، لا وكمان يحاول يخليكي توظفي المعلومة ويجيبلك أمثلة ويسهلك المعلومة، بس في بنات يقولول عنه إنه قاسي وجدي بس أنا أشوف إنو دا الشي طبيعي في الدكتور، ويحب الالتزام والمشاركة، يعني إذا ما تشاركي وتسألي وتتفلسفس ما حيعطيكي درجة المشاركة كاملة، واختباراته شوييية صعبة، هي مو صعبة بس هيا فيها تحدي وأن أشوف إنو دا الشي إيجبي في الامتحانات لأنه يخليكي تفكر مو بس تحفظي
وبالنسبة للدكتورة لطيفة الداودي أن الصراحة ما عجبتني مرة، لأنهه بس تقرأ من السلايدات ما تشرح من عندها ولا شي، يعني لو تقرأي الكتاب كأنك حضرتي المحاضرة. وكمان ما تشجع عالمشاركة والأسئلة، يعني تفشل البنات بعض الأحيان فالبنات يسيرو يستحو يشاركو، وكمان مرة شديدة وما تحب أي كلمة وما تحب تناقشيها في الدرجات ولا الامتحان ولا الغياب، بس امتحاناتها عموماً سهلة لأنها كلها مأخوذة نصاً من الكتاب يعني ما فيها غموض أبداً بس إنها تركككككز في الإجابة وتبغاكي تكتبي كلللل شي تعرفي عن السؤاال في الإجابة ... وبسس
هما دول الدكاترة إلى أعرفهم :)

حمستوني أخذ مساق عند الدكتور مظفر .. لا أنا مب مزعجه ولا أعاند كلي أدب هههههه
هو صحيح الدكتور حلو يكون جدي بس تعرفين الجدية مش ف كل المواضيع :rolleyes:
يعني بحدود أحسس :D
ما أحب الإمتحان اللي يكون فيه سؤال أونه يحدد منو الطالب المتميز :o
و مش شرط يكون السؤال مأخوذ نصاً من الكتاب بس يعني سؤال مفهوم مافيه لف و دوران :eek: هههه
يعني قصدج لازم أتم قاعدة ف الكلاس وما اتكلم و إذا ما فهمت سؤال ما أقولها ؟؟
و يمكن هي تكون مغلطة في امتحاني وابيها ترجع تراجع ورقتي بتصعب مني :eek:
هي تحط درجات على الغياب ؟ ولا تحاسب على الغياب فقط للأنذارات ؟؟

^

في دكتورة منقصتني وايد في الإمتحان و أنا أحس درجتي أعلى من هذه الدرجات
ولما شافت ورقتي قالت إذا راجعت ورقتج وشفت أني مغلطة في درجتين أو ثلاث أنا راح أنقصج هالدرجات بس إذا مثلا المفروض تجيبين درجة كاملة و أنا منقصتنج وشفت أنا غلطانة حقج علي :eek:
بالله يعني حد يفهمني كيف أتصرف معاها :)
أنا قلت لها مش درجة كاملة يعني على الأقل تصير درجتي 32 أو 33
قالت وشو الفرق بين درجتين أو ثلاث ما راح تفرق معي > بس أنا تفرق معي لأنه هالدرجتين أو الثلاث تحدد مصيري في الفاينل مثلاً أجيب A أو B+
يعني درجتي 28 و أنا أحس المفروض أزيد 4 درجات تقريباً
و لو عرفت أنه المفروض تزيدني أربع درجات راح تنقصني أربع درجات لأني ما يبت درجة كاملة قلت لها خلاص ما أبي ..
قلت لربيعتي السالفة كنت أبا أشتكي لأن أحس مظلومة قالت بتحطج في بالها و أنتي سبحان الله يمكن يكون عندج مساق ثاني عندها وتضطرين تاخذين عندها وبجي بتفرطين من المساقين ع العموم طنشت لأن إن شاء الله بشد حيلي ف الفاينل وبحاول ايب درجة كاملة
بسس ما أعرف هذا عناد أو شو
المهم ما عليه أنا واثقه أني أقدر أيب أعلى في الفاينل :D

-

لحد يلومني تعقدت قمت أسأل عن كل مادة قبل ما أخذها هههههههههه

[المحامية حليمة المدفع]

7مساق مدخل إلى الإقتصاد (أخذها عند الدكتور :الدكتور أسامة زغدود أو الدكتور عوني حبيب أو الدكتورة سعاد محمد شريف)


* مساق قانون حماية البيئة (يطرحها فقط الدكتور موسى شحادة)


* مساق المدخل إلى الفقه الإسلامي (أخذها عند الدكتورة فاطمة آل علي أو وفاء عز الدين)


* مساق علم الإجرام و العقاب (يطرحها فقط الدكتور مؤيد القضاة)



بالنسبة لمساق الاقتصاد خذت عند دكتور ثاني بس طلع من الجامعه .. فماا اعرف بالنسبة للدكاترة المذكورين ..

اما مساق قانون حماية بيئة .. المساق سهل ودكتور موسى طيب وامتحااناته سهله وتعامله مع الطلاب والطالبات محترم وويساعد الكل ..

مساق مدخل فقه خذته عند كتور نعيمة وكانت المادة حلوه .. اما بالنسبة للدكتوره فاطمه خذت عندها مساق ثاني والحمدالله كانت واييد اوكيه وطيبه وحبوبه وتعطي كل واحد حقه وامتحاناتها سهله مب صعبه يعني .. فمن اي ناحية اللي فيها شده .. بس ماتحب التاخير عن الكلاس .. فالصراحه انا اشوف هالدكتوره وايد حبوبه وطيبه وتسهل المادة ..

علم الاجرام والعقاب ,, انا ماخذت هالمادة . بس دكتور مويد اوكيه وامتحاناته سهله لاباس فيها بس يبالها تركيز شوي .. وماتطلعين عن الموضوع تكتبين في الموضوع المحدد بس ماتزيدين ولاتنقصين .. وبالنسبه للبحث يركز عليه شوي ..


عندي أستفسار بخصوص هالدكاترة من ناحية التدريس و أمتحاناتهم كيف وسهلة ولا صعبة !


الدكتور سام سليمان
^الدكتور أعاد القيسي
^الدكتور محمود فياض
^الدكتور أحمد فرح
^الدكتور مظفر الراوي
^الدكتور جهاد عبدالعزيز
^الدكتورة رشا حطاب


ماجربت عند هالدكاتره .. بس عند دكتور اعاد =) .. نوعا ماشديد بالدرجات.. شرحه اوكيه ويفهم اوكيه وامتحاناته سهله بس يبالها تركيز شوي .. وطبعا لازم تشاركين فالكلاس .. وتناقشين .. والبحث لازم يكون اوكيه لانه بتتناقشين فيه وبتشرحينه ,, وبيقيمج عليه .. ويعطي كل واحد حقه ..



واتمنالج التوفيج ..كل المواد راح تاخذينهم والدكاترة طبعا كلهم زييين ويعطون كل واحد حقه بس شدي حيلج وتوكلي ع الله ,,

[rose99]

lawyer (http://theuaelaw.com/vb/member.php?u=38436)

للأسف مساق قانون حماية البيئة ما أنطرح مع أني كنت حابة أخذه ><
بخصوص مدخل فقه الكل نصحني أخذه عند الدكتورة نعيمة بس للأسف أعتقد آللحين ما أدرس ولا شو ؟

،


أنزين بخصوص مدخل الإقتصاد ما قلتي المادة سهلة ولا صعبة وشو بالنسبة للأمتحان كيف يكون ؟

تسلمين حبيبتي على الرد
يعطيج العافية على تفاعلج ,
وأمين ربي يسسمع منج ^^

[بويوسف]

بما ان المواد للكورس الياي اتمنى مايكون ردي متأخر ...

بالنسبة للمواد فكلها بسيطه وسهله وتقدرين تضيفين مواد اكثر 15 او ححتى 18 ساعه لو ماكان في مشكلة عندج وتعارض اوقات .
بالنسبة لمدخل الاقتصاد هي مادة اجباريه يعني لازم تاخذينها سواء الكورس الياي او متى ما سهل الله الماده بسيطه لكن تحتاج متابعه اول باول مع الدكتور ..

حماية البيئه : من اسهل المواد الي اخذتها في الجامعه لكن كنت اتمنى ان تاخذينها عند الدكتور محمد الشافعي ... والنعم بالدكتور موسى .. لكن لو قدرتي تاخذينها للدكتور الشافعي سواءا بالصيفي او اي كورس اخذيها عنده
سهوله بالشرح وتبسيط الماده بشكل كبيييير .

مدخل الفقه : تحتاج حفظ و مراجعه أول بأول و كميتها كبيره لكن ما اعرف عن الدكاتره الي ذكرتيهم

علم الاجرام و العقاب : اخذيها بدون تردد عند الدكتور مؤيد .. المادة بشكل عام تتكلم عن جانبين الاول بالنظريات و علم النفس تقريبا و الجانب الثاني اهو الاسهل تتكلم فيه عن العقوبات بشكل عام و بسيط ( لو اخذتي عقوبات 2 ) ماراح تحتاجين ساعات بسيطه لحفظ القسم الثاني من الكتاب كامل
نظام الامتحانات بعلم الاجرام والعقاب .. تعاريف + سؤال عن نظرية ( باختبار المنتصف ) + صح وخطأ

ااما بحماية البيئه ( تعاريف + اساليب حماية البيئة بالقانون الاماراتي ( نقاط بسيطه ) عن حماية البيئة لبحرية او البرية او الهوائية وسؤال نظري ثاني عن اي موضوع فيه نقاط بالكتاب .. مافي قضايا ولا اساله من بين الاسطر كل شي واضح .

بالنسبة للدكاتره :
الدكتور مظفر الراوي اخذت عنده بحري وما ادري للامانه شنو تخصصه اتوقع تجاري . دكتور طيب لكن ما عتقد ان اخذت ماده بتخصصه ... بالبحري كانت الامتحانات سهله جدا اما الشرح فهو يقرأ من الكتاب و يوضح نقاط بسيطه :)

الدكتور جهاااااد : باختصار افضل دكتور جنائي اخذت عنده 3 مواد وماكنت احتاج ادرس للاختبارات مجرد ماتحضرين عندهه وتكتبين النقاط الي يوضحها .

الدكتوره رشا : اخذت عندها ماده بسيطه اهي مناهج البحث فما اقدر احكم عليها