الضايعه
08-20-2013, 12:13 PM
السلام عليكم اخواني. ارجوكم ساعدوني بمعلومات اكيده. انا متزوجه من مواطن اماراتي متزوج و عنده عيال. في فتره الخطوبه ما خبرني لين طلعت منه الكلام غصب لاني كنت حاسه انه مخبي شي. المهم بعد عرفت زعلت و كنت ببطل بس هو شاطر ماشالله عليه لسان و تمثيل. قام يشتكيلي من الاولى و انه مضلوم و محروم من كل شي و اهله زوجوه غصب لانها بنت عمه ......الخ فصدقته ووافقت لان حبينا بعض بجنون حب مب ينترك لو شو كانت الاسباب. و تفاهمنا انه بيشوفني كليوم و ما يخليني احس بالوحده ولا بقصور. يعني فرشلي بساط احمر.
بعد الزواج بالاول كان يعاملني زين و يقعد وياي وايد و يتاخر ع دوامه و احيانا كان يشرد من دوامه. الحين عندي منه 2عيال صغار. بعدما ربيت المولود الاول بدى يتغير من اول يوم ولدت فيه. صار مطلع قرون و شايف حله و واثق من نفسه اكثر. هناك بدا يسيء معاملتي و يقسى علي. و ع لاشي يضربني و يكسر البيت. هو مدمن كحول و كليووووو م شربان. لسانه وسخ و يسبني و يسب اهلي و يهيني هيانه كم مرره بغيت انتحر من كثر انه اهاناته تعور. بس خوبي من ربي كان يمنعني اني اسوي شي فنفسي.
قبل لا تتزوج كان مفهمني انه هو و حرمته بعاد عن بعض و كل واحد فغرفه و ما بينهم شي و يحلف بالقرآن و بعياله. بس يعدما ربيت هي جاتني لما بطنها صارت تبان عسب تراويني انها حامل. المهم اندهشت انها حامل و من داك الي م بديت اكتشف الاعيبه و كدبه و انه مب ريال. زعلت و صارت مشكله طبعا بس بعدين سكت. قلت هاي حرمته خلاص اهم شي يحبني انا. بس يعني غشني لانه كدب علي. لو ما قالي انهم بعاد ما كنت تزوجته. و زوجته اشتكتلي منه بعد انه حقير.
المهم سامحوي طولت عليكم. السالفه هي انه مدمن خمر و دوووم يبا يعاشرني من ورا و كلما ارفض يزيد يقسى و يهملني و يهمل عيالي. و يطول برره البيت و يدور اي سبب عسب يطلع. ليش لاني ما اعطيه من الخلف. حاول وياي بكل الطرق ماشي فايده. و كم مرره يضربني و يهيني لاني ما اعطيه و يصارخ ع عيالي لما يبكون يخافون منالصراخ. وحده رضيعه و حده اكبر منها بسنه. مرره تفل في وجه الرضيعه كان عمرها شهرين. و كلما وحده فيهم تصيح يقسىو يصارخ علينا كلنا و يسب و يهين. حتى كم مرره يمسك بنتي الاولى لما كانت اصغر شوي كان يرميها على العربه بقوه و هي صغيره الله بس كان يحفضها.
حتى مقصر ف حقي يريح نفسه هو و بس. ما يفكر فيني وما اقدر اقول تفاصيل اكثر الا اذا شي محاميه حرمه تكلمني على رسايل الخاصه. هو مزاجي يقلب كل 5 دقايق. 5 دقايق يضحك و بعدين يكشر و يسكت و بعد يقلب و يعصب و بعد دقايق يصير اوك و يزيد يقلب. انا متاكده انه مريض والله مب طبيعي. حتى انه كم مرره في العلاقه الزوجيه يطلب مني اشياء غريبه ما تدش العقل و ما اعتقد انها موجوده اصلا. تعبت مليت انا مب في امان. لا يخليني اطلع. و لا يطلعني. 24 ساعه بين 4 حيطان. اقوله طلعني شوي. يقولي ما عندي حرمه تطلع. ما عندي اهل ولا حد هني. حتى بيت اهله ما يحب يوديتي غير في الاعياد. ممنوع صديقات ممنوع كل شي. بس هو ما يقصر ف نفسه. اما عياله ادا حليبهم خلص يحاسبني. مع انه مرتاح و يعطي فلوس لاخوانه لما يطلعون مع بنات كليوم وحده.
انا مهري ما عطاني اياه و هو الي حدده ع كيفه في المحكمه بدون ما يشاورني. بس سكت لان هالشي ما يهمني. و وعدني بكم يوم حق شهر عسل و خذلني . حتى اجازه ما اخذها.
انا كتبت التفاصيل و طولت عشان تعرفو تلقولي حل الله يخليكم. انا عندي اقامه بريطانيه لاني كنت عايشه هناك ويا اهلي. يا ترى اقدر اسافر عند اهلي هناك ويا عيالي و ما ا رجع واطلب الطلاق من هناك؟ جنسيتي مب نفس جنسية عيالي. هم ع جنسية ابوهم. يقدر يرجعهم من هناك؟ و انا امهم يحقلي اعيشهم وياي في بريطانيا؟ و اذا طلبت الطلاق هني اخاف يذبحني لاني ما عندي وين ار وح ادا طلعت من بيته. و اخاف ياخد عيالي لانه يقولي القانون ما يعطيج العيال لاني متزوج اولى. و يقولي بيحرمني منهم و بيعطيني حرمان ادش الامارات. اهم شي ابا فكه منه و اعيش وياعيالي بسلام. شو الحل ياخواني ساعدوني.
على فكره هو ماسك جوازي و هويتي عنده ما اشوفهم حتى. و جوازات العيال بعد ما اشوفهم.
بعد الزواج بالاول كان يعاملني زين و يقعد وياي وايد و يتاخر ع دوامه و احيانا كان يشرد من دوامه. الحين عندي منه 2عيال صغار. بعدما ربيت المولود الاول بدى يتغير من اول يوم ولدت فيه. صار مطلع قرون و شايف حله و واثق من نفسه اكثر. هناك بدا يسيء معاملتي و يقسى علي. و ع لاشي يضربني و يكسر البيت. هو مدمن كحول و كليووووو م شربان. لسانه وسخ و يسبني و يسب اهلي و يهيني هيانه كم مرره بغيت انتحر من كثر انه اهاناته تعور. بس خوبي من ربي كان يمنعني اني اسوي شي فنفسي.
قبل لا تتزوج كان مفهمني انه هو و حرمته بعاد عن بعض و كل واحد فغرفه و ما بينهم شي و يحلف بالقرآن و بعياله. بس يعدما ربيت هي جاتني لما بطنها صارت تبان عسب تراويني انها حامل. المهم اندهشت انها حامل و من داك الي م بديت اكتشف الاعيبه و كدبه و انه مب ريال. زعلت و صارت مشكله طبعا بس بعدين سكت. قلت هاي حرمته خلاص اهم شي يحبني انا. بس يعني غشني لانه كدب علي. لو ما قالي انهم بعاد ما كنت تزوجته. و زوجته اشتكتلي منه بعد انه حقير.
المهم سامحوي طولت عليكم. السالفه هي انه مدمن خمر و دوووم يبا يعاشرني من ورا و كلما ارفض يزيد يقسى و يهملني و يهمل عيالي. و يطول برره البيت و يدور اي سبب عسب يطلع. ليش لاني ما اعطيه من الخلف. حاول وياي بكل الطرق ماشي فايده. و كم مرره يضربني و يهيني لاني ما اعطيه و يصارخ ع عيالي لما يبكون يخافون منالصراخ. وحده رضيعه و حده اكبر منها بسنه. مرره تفل في وجه الرضيعه كان عمرها شهرين. و كلما وحده فيهم تصيح يقسىو يصارخ علينا كلنا و يسب و يهين. حتى كم مرره يمسك بنتي الاولى لما كانت اصغر شوي كان يرميها على العربه بقوه و هي صغيره الله بس كان يحفضها.
حتى مقصر ف حقي يريح نفسه هو و بس. ما يفكر فيني وما اقدر اقول تفاصيل اكثر الا اذا شي محاميه حرمه تكلمني على رسايل الخاصه. هو مزاجي يقلب كل 5 دقايق. 5 دقايق يضحك و بعدين يكشر و يسكت و بعد يقلب و يعصب و بعد دقايق يصير اوك و يزيد يقلب. انا متاكده انه مريض والله مب طبيعي. حتى انه كم مرره في العلاقه الزوجيه يطلب مني اشياء غريبه ما تدش العقل و ما اعتقد انها موجوده اصلا. تعبت مليت انا مب في امان. لا يخليني اطلع. و لا يطلعني. 24 ساعه بين 4 حيطان. اقوله طلعني شوي. يقولي ما عندي حرمه تطلع. ما عندي اهل ولا حد هني. حتى بيت اهله ما يحب يوديتي غير في الاعياد. ممنوع صديقات ممنوع كل شي. بس هو ما يقصر ف نفسه. اما عياله ادا حليبهم خلص يحاسبني. مع انه مرتاح و يعطي فلوس لاخوانه لما يطلعون مع بنات كليوم وحده.
انا مهري ما عطاني اياه و هو الي حدده ع كيفه في المحكمه بدون ما يشاورني. بس سكت لان هالشي ما يهمني. و وعدني بكم يوم حق شهر عسل و خذلني . حتى اجازه ما اخذها.
انا كتبت التفاصيل و طولت عشان تعرفو تلقولي حل الله يخليكم. انا عندي اقامه بريطانيه لاني كنت عايشه هناك ويا اهلي. يا ترى اقدر اسافر عند اهلي هناك ويا عيالي و ما ا رجع واطلب الطلاق من هناك؟ جنسيتي مب نفس جنسية عيالي. هم ع جنسية ابوهم. يقدر يرجعهم من هناك؟ و انا امهم يحقلي اعيشهم وياي في بريطانيا؟ و اذا طلبت الطلاق هني اخاف يذبحني لاني ما عندي وين ار وح ادا طلعت من بيته. و اخاف ياخد عيالي لانه يقولي القانون ما يعطيج العيال لاني متزوج اولى. و يقولي بيحرمني منهم و بيعطيني حرمان ادش الامارات. اهم شي ابا فكه منه و اعيش وياعيالي بسلام. شو الحل ياخواني ساعدوني.
على فكره هو ماسك جوازي و هويتي عنده ما اشوفهم حتى. و جوازات العيال بعد ما اشوفهم.