استشارة.

[Abdallah ali]

السلام عليكم ورحمة الله وبركاته

موضوع قضيتي تجاري كلي (بنك الخلييج الاول ) المدعي

وحكم القاضي قبل فترة بعد المطالعة على تقرير الخبير الحسابي

بدفع مبلغ مليون درهم ومع فائدة 9 بالمئة

الحين قالو ا لي اصبر شهر عشان يفتحون لي ملف تنفيذ

أنا ماعندي هالمبلغ كله وابا ادفع اقساط شهرية مخفضة شو الحل يا أخواني

اهم شي التزم بالدفع ويكون مبلغ القسط مخفض وسهل شو تنصحوني اسوي

[احمد اسماعيل]

هلا اخوي

قاضي التنفيذ بسأل اول شيء اذا تقدر تدفع المبلغ بالكامل واذا ما تقدر تدفعهم بقسط لك المبلغ على اقساط بشرط انك تدفع مبلغ مقدم على حسب ما يراه القاضي بس بين لك ظروفك المالية وكم الراتب و الصافي منه وبقسط لك المبلغ ان شاء الله

[Abdallah ali]

اوووف يعني يمكن يقول لي ادفع دفعة مقدمة

انزين أنا ماعندي مبالغ أبدا اعتمد على الراتب الشهري فقط ماعندي لا دخل شهري ولا حتى موفر لي مبالغ

كيف اقنعه لأني ريال أعيب عائلتين مب عائلة بس كوني يتيم ومسؤول عن عائلتين ومتزوج وعندي عيال

كيف اقدر اقنعه

[ابواحمد]

السلام عليك اخوي عبدالله

ممكن تحدد نوعية القرض هل هو شخصي اوتجاري او الاثنين مع بعض

[احمد اسماعيل]

هلا اخوي

المشكلة ان المبلغ المطالب كبير ومحامي المدعي برفض ان يكون مبلغ القسط صغير
الا في حال انك اعطيت قاضي التنفيذ دلائل انك معيل عائلة كبيرة مثلا او مديون لبنك ثاني
ونعطيه كشف حساب و شهادة مديونية و القاضي يكيف الحالة التي انت فيها ويقسط لك المبلغ
لكن يجب عليك تدفع مبلغ مقدم و القاضي يمهلك تقريبا شهر او شهرين لسداد المقدم

هذا حسب علمي و الاخوان يمكن لهم رأي ثاني:)

[Abdallah ali]

اخوي ابواحمد القرض شخصي بس البنك قسمه لقسمين تجاري وشخصي


اخوي احمد اسماعيل انا مديون لاشخاص يعني خارج البنك وادفع لهم شهريا اقساط شهرية وانا اسكن في الفجيره واداوم فالشارقة بشكل يومي لانه ماعندي سكن في مقر العمل

وهذا يترتب علي مصاريف يومية وشهرية

هل هالامور بتساعدني في تخفيض القسط ؟

[لحن_المفارق]

اذا الحكم ابتدائي و قابل للطعن بالاستئناف ... استأنف ..... و اذا ما عندك غير راتبك بس يقدرون يستقطعون 25% منه حسب قانون التنفيذ