سؤال عاجل بخصوص دورة المحاماة

[بني ياسي]

السلام عليكم اخوان بغيت اسالكم

بخصوص دورة المحاماة للي درسها هل الحضور والانصراف مهم وضروري يعني فيها خصم علامات وجي وشي ثاني هل هناك بتكون امتحامات مثل الجامعة

[المحامية حليمة المدفع]

قألولي الحضور والغياب أهم شيء وياثر ع درجاتك
هالسوال سألته. لأكثر من وحده عسب. عندي ماستر
وبيكون عندي تعارض فقالولي. لاتتهاونين عن هالشي لأنه مهم وياثر
أما بالنسبه للامتحانات هو شيء امتحان من تخلص ساعات المساق تمتحن فيه
والامتحان النهائي أتوقع يكون ﮨ̲ﻋ̲ﺩ̲ التدريب شامل لكل المساقات اللي درستها وتكون جدام 3 قضاه أتوقع ويسألونك ؤإنته تجاوب وإذا بغيت تكتب لك الحريه تكتب الاجابه ع الورقه هذا اللي عرفته من خلال أسئلتي للبنات اللي تخرجوا من المعهد

[قانونية وافتخر]

مثل ما قالت أختي المحامية .. وهذا اللي عرفته من البنات اللي تخرجوا ..

الحضور والانصراف مهم جدا ..

والامتحانات تحريري + شفوي .. بس الشفوي في النهاية فقط

بالتوفيق أخي الكريم ...

[The Prosecutor]

وعليكم السلام ورحمة الله وبركاته

أشكرك أخوي بني ياسي على إثارة هالموضوع الهام
أنا شخصيا عندي عدة تساؤلات على الدورة راح اطرحها مع بعض المعلومات الي جمعتها عن الدورة الي من الممكن انها تفيد الاخوان في المنتدى.

الله يسلمك عسب تنجح في الدورة لازم تييب 70% في كل مساق
الدرجات موزعه كالاتي : 35 امتحان تحريري و35 امتحان شفهي و 10 انضباط في القاعه و 20 على الحضور.

انا عندي عدة تساؤلات حول الدورة:

1- شرط النجاح مثل ماقلت 70% ولكن لنفترض ان واحد ياب 95% وواحد ياب 75 %
يوم تظهر الشهادة هل يكتبون الدرجات ؟
وهل فيه متدرب يتخرج بمتياز
ومتدرب يتخرج بجيد او مقبول ؟
ولا الامر يقتصر على الحصول على الاجازة في مزاولة المهنة بدون اي تفرقة بين الخريجين ؟

2- الدورة فيها 21 مساق يتم تدريسهم خلال 6 اشهر
هل طريقة التدريس بتكون دراسة مساق واحد فقط لمدة اسبوعين ثم نمتحن فيه تحريري وعقب ننتقل لمادة ثانية لمدة اسبوعين ؟
ولا كيف بتكون ال آلية بضبط؟

3- مثل ماذكرت راح ندرس 21 مساق ولكن هل بندرسهم مع 21 دكتور ؟
ولا هم 5 أو 6 دكاترة بيتناوبون علينا لين نخلص الدورة؟ ( حسن الحمادي .:*_*:. ) مادرسني لكن سمعته سبقته -_-

4- بخصوص التحضير مثل ماقلت علينا 20 درجة يعني تنجح وترسب
أغلب المتدربين موظفين يعني مب كل يوم نفسيتهم تسمحليهم يحضرون + عندهم التزامات عائلية + بعضهم يسوي ماستر + بعضهم دوامة شفتات أو من نوع خاص بحيث انه مايقدر يبدي دراسته على التزاماته امام جهة العمل
يعني بختصار موضوع ان الطلب يحضر كل يوم مايدخل الراس أبد لان أكثر رواد هذه الدورة موظفين وعندهم التزامات أخرى

وسؤال الي يطرح نفسة هل في تساهل في مسألة التحضير؟
هل ممكن يتفهمون هالحقائق ؟
هل ممكن لمتدرب أنه يحط ايدة على ورقة التحضير و يحضر خويية الغايب ؟

5- هل في طلبة يرسبون في هذه الدورة ؟
ولو كان في رسوب هي الرسوب يكون بنسبة كبيرة ولا مجرد 2 او3 من أصل 40 واحد؟

6- بخصوص الامتحان التحريري
هل في امكانية في تنسيق مواعيد الامتحان مع الدكاترة ولا الجدوال ثابته بتاريخ محدد لا يقبل اي تغير ؟
وهل اذا طالب تغيب عن الامتحان وكان عندة عذر يعيدون له الامتحان؟
واذا ماعادو الامتحان هل يعتبر الطالب راسب في البرنامج كله ولا يقدر السنة الي عقبها يحضر بس هالمادة الي رسب فيها ويمتحن فيها وعقب يحصل على الاجازة؟

الشكر الجزير للأخ بني ياس على هالموضوع والسموحة منكم أخواني على اللإطالة واتمنى من الأخوة الي تخرجو من الدورة أو في فترة التدريب يفيدونا بخبراتهم وتجربتهم واتمنى التوفيق للجميع


وشكراً

[The Prosecutor]

200 مشاهدة بدون أي رد ؟

أفاااا ياهل القانون، وين المحامين العمالقة، وين المتدربين الأشاوس، وين الفزعة.

[المحامية حليمة المدفع]

1- شرط النجاح مثل ماقلت 70% ولكن لنفترض ان واحد ياب 95% وواحد ياب 75 %
يوم تظهر الشهادة هل يكتبون الدرجات ؟
وهل فيه متدرب يتخرج بمتياز
ومتدرب يتخرج بجيد او مقبول ؟
ولا الامر يقتصر على الحصول على الاجازة في مزاولة المهنة بدون اي تفرقة بين الخريجين ؟

نعم فيه ناس يتخرجون بامتياز وماشاء الله كل اللي سألتهم قالوا اتخرجوا بامتياز وأهم شرط الانضباط فالحضور وألغياب


2- الدورة فيها 21 مساق يتم تدريسهم خلال 6 اشهر
هل طريقة التدريس بتكون دراسة مساق واحد فقط لمدة اسبوعين ثم نمتحن فيه تحريري وعقب ننتقل لمادة ثانية لمدة اسبوعين ؟
ولا كيف بتكون ال آلية بضبط؟

بيعطونكم جدول فيه المساقات اللي بتاخذونها لمدة اسبوعين بشكل يومي
و عقب بيردون يعطونكم جدول ثاني .

3- مثل ماذكرت راح ندرس 21 مساق ولكن هل بندرسهم مع 21 دكتور ؟
ولا هم 5 أو 6 دكاترة بيتناوبون علينا لين نخلص الدورة؟ -

راح يكون أكثر من مستشار.

4- بخصوص التحضير مثل ماقلت علينا 20 درجة يعني تنجح وترسب
أغلب المتدربين موظفين يعني مب كل يوم نفسيتهم تسمحليهم يحضرون + عندهم التزامات عائلية + بعضهم يسوي ماستر + بعضهم دوامة شفتات أو من نوع خاص بحيث انه مايقدر يبدي دراسته على التزاماته امام جهة العمل
يعني بختصار موضوع ان الطلب يحضر كل يوم مايدخل الراس أبد لان أكثر رواد هذه الدورة موظفين وعندهم التزامات أخرى

سألت ؤأيد والكل قالي لإزم تتلزمين بالحضور وألغياب وأول مأسجلت للدوره قتلهم أنا عندي ماستر قألوليي ؏اْدٌيَـﮯ بس حاولي انج ماتخلينه يتعارض يالدوره لأنه الدراسه فالدوره تبدأ من 5 لين 9 عسب ماتنقص من درجاتج لأنه مسأله الحضور وألغياب يأثر ؏ الدرجات ؤأيد.
ؤالحين عندي تعارض فالماستر للكورس الياي وبين الدوره اللي بعدها مابدت ﯙ̣̐ﺂﻟ̲ﻟ̲ﮧ̣̐ يعين ..

ؤهالشي أنا سألت عنه بنفسي في وزاره العدل .

وسؤال الي يطرح نفسة هل في تساهل في مسألة التحضير؟
هل ممكن يتفهمون هالحقائق ؟
.....
هل ممكن لمتدرب أنه يحط ايدة على ورقة التحضير و يحضر خويية الغايب ؟

مابتقدر تحضر حد

5- هل في طلبة يرسبون في هذه الدورة ؟
ولو كان في رسوب هي الرسوب يكون بنسبة كبيرة ولا مجرد 2 او3 من أصل 40 واحد؟

نادر ما يكون فيه رسوب و وايد يركزون على الحضور و الغياب

6- بخصوص الامتحان التحريري
هل في امكانية في تنسيق مواعيد الامتحان مع الدكاترة ولا الجدوال ثابته بتاريخ محدد لا يقبل اي تغير ؟
وهل اذا طالب تغيب عن الامتحان وكان عندة عذر يعيدون له الامتحان؟
واذا ماعادو الامتحان هل يعتبر الطالب راسب في البرنامج كله ولا يقدر السنة الي عقبها يحضر بس هالمادة الي رسب فيها ويمتحن فيها وعقب يحصل على الاجازة؟

وحده قالت الامتحانات محدده ﮨ̲ﻋ̲ﺩ̲ ماتخلص ساعات المساق تمتحن ويعاد له الامتحان بعذر مقبول

ووحده 2 قالت الامتحان انتو تتفقون مع المستشارين بالمواعيد و اللي يغيب ما ينعاد له الامتحان

وبعد ماتخلص النظري والعملي تتمتحن في كل المساقات شفوي ..


حاولت أسأل اللي اتخرجوا .. وان شاء الله أكون أفدتك ..

بس أتمنى من اللي تخرجوا من المعهد أو يدربون أنهم مايبخلون علينا في الاستفسارات اللي نطرحها حتئ يسهل ؏ اللي مقبلين للدخول فالدوره معرفه كل أسس المعهد ودراسته .

[المحامية حليمة المدفع]

اخويَ بالنسبةَ للسوالَ :
اليومَ استفسرَت عنهَ الشهادةَ اللي تحصلَ عليهاَ
هيَ اجتيازَ لدورة المحاماة لكنَ فيما يتعلق بالامتيازَ والجيدَ والخَ هذيَ الدرجاتَ
تكونَ لدى وزارةَ العدل مسجلهَ في حالةَ اذا كنتَ تبا هالشهادةَ بالدرجاتَ تقدر تطلبهـآ ..

وبالنسبةَ للغيـآب بظروفَ لازمَ تبلغ الاستاذ الليَ يدرسكَ فاذا وافق عليها يكتبلكَ غيابَ بعذر
بسَ لازمَ تبلغهمَ انكَ مثلا هاليوم بتغيب عسبَ تكون غياب بعذرَ وماتنقصَ من درجاتكَ ..


وكذلك فيما يتعلق في حالة غياب الطالب عن الامتحانَ هالشي تنسقه مع الاستاذ
تطلب منه اما يجدمَ لكَ الامتحان او ياخر لكَ الامتحانَ لكنَ لأسباب مقبولةَ ..

وايَ استفسـآر عنَ الدورهَ ان شاء الله اقدر اسـآعدكمَ فيهَ ..

[damma2000]

انا حاليا ادرس في دورة المحاماة
ومثل ما قالو وايد وايد مشددين على الحضور والانصراف
والاسبوع القادم عندنا امتحان تحريري في مادة الاجرائات الجزائيه

[محامي متدرب]

يرجى التفضل بالعلم أن القانون الإتحادي رقم (23) لسنة 1991 بشأن تنظيم مهنةالمحاماة وتعديلاته،قد نص على أن يتفرغ المحامي المتدرب تفرغاً تاما لمدة ستةأشهرويلتزم بالبرنامج المعدوالخاص بالمحاضرات والاختبارات ،وفي حال عدم التزامه بالحضور، يتم خصم درجة واحدة عن اليوم التدريبي ،وفي حال تجاوز العشرين درجة ، تلغى مدة التدريب ، ولا توجد أي صلاحية لإدارة المعهد في إعفاء أي متدرب عن تجاوز فترة الغياب