Sponsor

[Legal advisor]

السلام عليكم

شحالكم جماعة الخير ، مبارك عليكم الشهر ، ينعاد عليكم كل سنة و كل حول ان شاء الله


بغيت مساعدتكم يا اهل الخبرة و المعرفة ، و اتمنى منكم الإفادة


موضوعي هو أني ابحث عن انتساب او سبونسر في جهة او مؤسسة او دائرة قضائية حكومية كانت او خاصه ، بمعنى اخر ان يمشي لي راتب شهري من هالدائرة او الحكومة لكن بشرط أني اشتغل عندهم يوم اتخرج .
مع العلم أن تخصصي قانون و باجي لي تقريبا سنة و نص على التخرج ان شاء الله .


اتمنى أنكم اتخبروني الجهات و المؤسسات - يفضل ان تكون قانونية - اللي يتوفر فيها ها لنظام

[. .[MĿ3ŵżα]. .]

همممم وعليكم السلام



لييش ماتجربين حظج بدايره القضاء

ان قبلوج بتكونين محظوووظه !!



من شروطهم ,, طبعن النسبه فوق فوق

او معدلج يكون 3.5 وفوق !


وبحكم انج بتكونين ماخذه منحه من عندهم , ف بيمشولج راتب 20 شهريا !

واول ماتخلصين دراسه تشتغلين عندهم 4 سنين ومعاشج 40 !


بس اذا نزل معدلج تحت 3 ونص , أو اشتغلتي او لقيتي منحه ثانيه او تهورتي بأي شي قبل 4 سنين

تردين كل فلس خذتيه منهم @@

بس احيد وحده من اهلنا قالتلي اذا نزل معدلج مايفنشونج , بس يوقفون معاشج مؤقتاَ!




وربي يوفقج ^^

[Legal advisor]

ثانكس .[mĿ3ŵżα]. .

بس انا بديت بدراستي الجامعيه و باجي لي سنة و نص ان شاءالله

يعني حابه اني اضمن وظيفتي بعد التخرج من الحين ^_^

نسبتي في الثانويه ممتازة , لكن معدلي في الجامعه اقل عن 3 ><

بس لو تعطوني رقم او ايميل مباشر لشخص يقدر يفيدني في هالموضوع , و اكون شاكره لكم ^_^

[. .[MĿ3ŵżα]. .]

عيل شدي حيلج هالسنه

انا عكسج تماما ,, نسبتي بالثنويه خرى

ف قالتلي بنت عمي اشد حيلي أول سنه بالجامعه لنهم مايقبلون اللي معدلهم او نسبهم نازله !

وعقب اقدم ,, بس مب خسرانه جربي حظج



فالج طيب ,, بس هي راقده الحين من تنش بسئلها =)

[Legal advisor]

يا جماعة الخير ، امتعونا بردودكم ، حد منكم يعرف مكان ثاني غير دائرة القضاء ! ><

[سعيد مرزوق]

أعرف جهة اتحادية مستقلة تسمى هيئة الإمارات للأوراق المالية والسلع
لديها برنامج يسمى براعم لرعاية الطلاب المتفوقين في الجامعة تقوم بصرف لهم مكافئة شهرية وبعد التخرج من الجامعة يتم التوظيف لديهم
زوري موقعهم وبتاخذين التفاصيل
www.sca.ae

موفقة أختاه

[Legal advisor]

مشكور اخوي سعيد ^_^

اتمنى من اخوانّا الثانيين ما يبخلون علينا بمعلوماتهم ^_^

[قانونية وافتخر]

الله يوفقج خيتو .. للأسف ماعندي فكرة ان شاء الله الأخوان مما بيقصرون معاج ..

[Legal advisor]

اتمنى من اخواني ما يقصرون :(