جامعة العين - مدني 2 -ملخص

[قانونية العين]

السلام عليكم طلاب وطالبات جامعة العين
حد عنده ملخص لماده المدني 2 دكتور بشار ؟؟؟؟
بليز الي عنده لايبخل علينا ... ماعدنا غير الكتاب

[قانونية العين]

ليش ولا رد؟؟؟؟؟؟؟؟؟؟؟

[ahmedalmansouri]

http://theuaelaw.com/vb/showthread.php?t=4421 جرب هذا يمكن ينفعك الغالي

[قانونية وافتخر]

وعليكم السلام ورحمة الله وبركاته..

السموحة أختي بس لأن طلبج محدد وموجه لطلبة العين والملخص المطلوب بعد محدد لدكتور معين لذا ما لقيتي ولا رد ><

شوفي هالروابط فيها ملخصات لمساق مدني 2 .. مب شرط تدرسين من ملخص لدكتور معين لأن في النهاية الفكرة واحدة والمواضيع نفسها شوفي اللي ترتاحين له واستذكري منه والله يوفقج :)

1.

http://theuaelaw.com/vb/showthread.php?t=2512

2.

http://theuaelaw.com/vb/showthread.php?t=4421

3.

http://theuaelaw.com/vb/showthread.php?t=10054

[ولد العين 89]

هلا اختـــي الملخص في مكتبة ابو عيسى الي ف المويجعــــــــــي ... حق امتحان السعي الاول ..واذا تبين شي بعد فالج طيب ..

[قانونية وافتخر]

بارك الله فيك أخي الكريم عـ المبادرة الطيبة ،، جعلها الله في ميزان حسناتك ..

[قانونية العين]

مشكورين ع الردود
ولد العين89
رحت لمكتبة بوعيسى اكثر من مره ولا حصلت الملخص

[3li]

ملخص المنتصف قاعد أشتغل عليه , واحاول اخلصه ..
من اخلصه فالج طيب ..

[3li]

انا عندي سلايدات المنتصف بخطف وبحطهن في مكتبة بوعيسى وبكتب عليهن (مدني منتصف)

[قانونية العين]

السلام عليكم اخوي3li
بأجر امتحانا المنتصف ،،،،،، وياريت لو تقدر تخلص الملخص اليوم ،،،،،،، لين أحين مادرست شي ومب عارفة كيف أبدء ،،،،،، ويزاك الله خير

[AL LEADER]

الله يعينج

بعدج مره ثانية روحي لمكتبة بو عيسى يمكن حد حط ملخص وله شيء ...

[قانونية العين]

ان شاء الله بروح لمكتبة بو عيسى
دعواتكم إخواني وخواتي والله متوووووووووهقه للمشكله أني مزفته ف امتحان السعي بعد الله يعين ويعدي هالكووورس ع خير

[3li]

قانونية ..

الحين طالع من الجامعة ومعاي السلايدات ، راح اتفيدج وايد ..
عطيني ربع ساعه وراح يكون في مكتبة ابو عيسى ..

وراح اكتب عليه (قانونية) ..

كل ما عليج تعطين الدريول ورقة صغيرة مكتوب فيها (مدني ٢ قانونية) وهو بينزل للمكتبة وبيجيبه لج ..

ربع ساعه وبيكونن السلايدات في المكتبة ..

[3li]

اذا استلمتي بلغيني ، لان المشكلة امتحاني يوم الخميس وفي قبله امتحانين واخاف أتأخر عليج بالملخض الي قاعد اسويه ، فالسلايدات بيفيدن

[قانونية العين]

اذا استلمتي بلغيني ، لان المشكلة امتحاني يوم الخميس وفي قبله امتحانين واخاف أتأخر عليج بالملخض الي قاعد اسويه ، فالسلايدات بيفيدن

مرحباا اخوي توني اشيك ع المنتدى ،،، رحت المكتبة العصر وقتله أبا سلايدات مدني 2 عطاني سلايدات مادري نفس لي عندك ولا غير ؟!!! اذا غير بطرش الدريول الصبح ،،، بس الي انا يبته مب مكتوب عليه قانونية
وعطاني بعد ملخص مكتوب عليه مدني2 المنتصف
الملخص بس 3 ورقات وفي اخر الملخص مكتوب ايميل
انا بعتمد ع الملخص والله يعين
دعواتكم :confused:
مشكورين ماقصرتو يزاكم الله خير

[3li]

مرحباا اخوي توني اشيك ع المنتدى ،،، رحت المكتبة العصر وقتله أبا سلايدات مدني 2 عطاني سلايدات مادري نفس لي عندك ولا غير ؟!!! اذا غير بطرش الدريول الصبح ،،، بس الي انا يبته مب مكتوب عليه قانونية
وعطاني بعد ملخص مكتوب عليه مدني2 المنتصف
الملخص بس 3 ورقات وفي اخر الملخص مكتوب ايميل
انا بعتمد ع الملخص والله يعين
دعواتكم :confused:
مشكورين ماقصرتو يزاكم الله خير


مرحبا السااااع


اذا السلايدات الي عندج للدكتور (العبيدي) , بيكونن هـــــــن , يمكن نسخ منهن وايد وخلا الاصلية عنده ..

انا كنت في المكتبة الساعه 5:30 تقريباً

بس تراهن مفيدات , وتغنيج عن الكتاب ..

والدكتور بشار قالنا ان كمية الامتحان موحدة لكل الكلاسات , يعني بتكون في نفس المحتوى ..


اي خدمة انا حاضر وننتظر البشارة بالعلامة الطيبة (:

[قانونية العين]

مادري اذا السلايدات للعبيدلي ؟!!!!
انا حاليا يالسه ادرس من الملخص لي قتلك عنه
يمكن قبل الامتحان اراجع السلايدات
وان شاء الله ايب درجة حلوه
مشكور إخويه ماقصرت في ميزان حسناتك والله كنت متوووهقه !!
وبالتوفيق للجميع

[3li]

افااااا عليج انعين وانعاون وبالتوفيق يارب ..

السلايدات الي حق الدكتور العبيدي مكتوب عليهن في اول صفحه فووووق ع اليمين ..

وصباح التفاؤل (:

[ياسيه]

موفقين خير وربي يسهل عليكم الامتحانات..

[قانونية العين]

افااااا عليج انعين وانعاون وبالتوفيق يارب ..

السلايدات الي حق الدكتور العبيدي مكتوب عليهن في اول صفحه فووووق ع اليمين ..

وصباح التفاؤل (:

السلايدات لي عندي مب مكتوب عليهن
امممممممممممم اذا كان في وقت بمر المكتبة قبل الامتحان واذا لا بكتفي ب الملخص والسلايدات لي يبتهن
ومشكوووور وايد أخوية علي ماقصرت

[قانونية العين]

موفقين خير وربي يسهل عليكم الامتحانات..

وياج ان شاء الله

[قانونية وافتخر]

ربي يوفقكم في الامتحانات ويسهل عليكم ويبشركم بأعلى التقادير .. ^^

[3li]

السلايدات لي عندي مب مكتوب عليهن
امممممممممممم اذا كان في وقت بمر المكتبة قبل الامتحان واذا لا بكتفي ب الملخص والسلايدات لي يبتهن
ومشكوووور وايد أخوية علي ماقصرت


بالتوفيق يا رب
وبأذن الله العلامة الكاملة /-:

[قانونية العين]

الحمدالله الامتحان كان سهل
ماظن علامة كاملة ههههه بس بذن الله علامة حلوه
الله يوفقك ف امتحانك اخويه

[قانونية العين]

مشكورة حبيبتي قانونية وافتخر وياج ان شاء الله