اخوكم يبغي مشورتكم ونصايحكم

[دبي كلاسيك]

اخوكم بيتخرج الاثنين القادم من كلية الامام مالك للشريعة والقانون وبستلم الشهادة عقب عناء 5 سنوات دراسة والحمد لله

سؤالي شو نصايح الاخوان والاخوات الي في مجال القانون لاني متشتت الفكر مب عارف اروح للمعهد القضائي في دبي واكون وكيل نيابة او اروح معهد الدراسات القضائية الشارقة واكون محامي علما باني موظف حاليا . وهل فعلا انه وكيل النيابة ممنوع عليه يسوي بزنس او رخص وملزوم بشروط هم يحطونها له من النيابة
وهل المحامي في بداية مشواره يتعب وايد ومب بسهولة يحصل شغل وان حصل يكون راتبه ظعيف

واتريا مشاركاتكم ونصايحكم الحلوة للاستفادة لي ولجميع الاخوان ولاتنسون تخريجنا في كلية التقنية يوم الاثنين تاريخ 29/3/2010 الساعة 7.30 حياكم الله

[الحقانية]

تمنياتي لك بالتوفيق ان شاء الله.

[محمد ابراهيم البادي]

اولا الف مبروك عالتخرج استاذي
بس مصيرك المستقبلي هو ملكك لوحدك
العمل في النيابة او القضاء او المحاماة
كلها مهن شريفة
بالنسبة للعمل القضائي عموما ممارسة التجارة فيه ممنوعة

[دبي كلاسيك]

شاكر لكم مروركم اخواني وانتظر مشاركات الاخوة الباقيين تحياتي لكم

[Prosecuter]

مبروك التخرج اخوي

افضل شي انك تشتغل في مجال تخصصك يعني عندك عدة مجالات
طبعا اهم مجال هو القضاء سواء كوكيل نيابة او محامي ماشي فرق بينهم الا ان الاولى حكومية و الثانيه خاصة

طبعا اذا اشتغلت وكيل نيابة راتبك بيكون عالي و ما بتكون محتاي وايد للبزنس اما المحامي فعلا راح تتعب وايد خاصة أول فتره و التعب مستمر على طول فتره الشغل لكن تقدر تدخل ذهب على قولتهم من المحاماه و تقدر تشتغل في البزنس بعد

و حل ثالث تقدر تكون موظف في الشؤون القانونية لاي جهة
و الراي الاول و الاخير لك

تحياتي

[عقد القانون]

أولا هلا فيك أخوي في منتدى قانون الامارات


وثانيا ألف مبروك أخويه عالتخرج وعقبالنا^^


وبالنسبة للشغل ان شاء الله اللي يمارسون هالمهن رح يفيدونك..]


وهذي هديتي :cool:


http://aljsad.net/imgupload/uploads//be6df630d62e0017349580a7b9c916c4jpg

لكـ مني أجمل تحيهـ وبالتوفيج ان شاء الله..:)

[عبق الحياة]

الف مبروك اخوي


المفروض انته اللي تنصب هدفك جدام عينك و تسعى لتحقيقه
مهمى كانت الصعاب

يعني انته لما دخلت الكليه شو كان هدفك بعد التخرج

نصيحتي لك

شوف هدفك و كفائتك وين تكون
في اي من هذه المهن

[الورد]

مبروك التخرج أخوي...
من وجهة نظري .. العمل في القطاع الحكومي أفضل يعني وكيل نيابه..
والرأي الأخير لك..

تمنياتي لك بالتوفيق

[طموح]

انا متخرج من فترة وين هديتي هع

الغالي لا تحسب الحياه مفروشة بالورود جدامك وين تبي شغلة بتحصلها سواء وكيل نيابة ولا محامي ... لا خوي خبرك عتيييييج

تبي نصيحتي وظيفتك الحالية اذا كانت حكومية لا تتركها ابدا حتى تتأكد مليون بالميه انك راح يقبلوك بالمعهد القضائي في دبي .. واذا انت تقدر ع راتب 15000 في الشهر خلال فترة التدريب (سنة) وسكنك جريب من دبي فتوكل على الله .. لأن رواتب النيابه في دبي ممتازة حاليا بعد التعديل الأخير ..

والله يسر أمرك وامري وامر كل الاعضاء ...

[عدالة تقهر الظلم]

الف مبروك

ما خاب من استخار وما ندم من استشار

واختر الوظيفة اللي تحقق هدفك في الحياة

وايضا كن واقعي وخذ مبدئيا بنصيحة اخونا طموح