ارجوكم اريد يد العون وشكرااا

[صريحه]

السلام عليكم ورحمة الله وبركاته

اريد منكم مساعده
انا هالكورس درجاتي كلها متحطمة ونفسيتي تعبت مع اني اجتهد في الدراسه
فاتمنى اني اعوض الكورس الياي ولكن اريد نصائحكم لي كيف اذاكر المساقات بشكل افضل

1)مساق الالتزامات2
2)مساق التزامات 3
3)مساق العقوبات 2

واريد خطتكم لي كيف اهتم بالمواد :confused:و

اذا عندكم نماذج امتحانات او ملخصات او شرح لهذي المساقات فساعدوني اخوتي
جزاكم الله خيرا
والسموحه منكم:o

[ياسيه]

اختى صريحه
كيف الالتزامات 2 و3...تقصدين المدني؟
وضحى اكثر عشان نقدر نساعدج...لان اذا مدنى 2 سهل بس 3 يباله دراسه مكثفه وممكن تختار شي غيره..

نصيحتى لج عليج الدراسه اول باول ،وممكن تخصصين يوم في الويكند لدراسك كل الى خذيته في الاسبوع..
نظمى وقتج وان شاء الله ربي بيوفقج..

[صريحه]

مشكورة اختي
التزامات في القانون الاداري والمدني

انتظر ردودكم

[بنوته قانونيه]

هلا اختي ارفعي معنوياتج وشدي حيلج وصدقيني تقدرين ترفعين معدلج بالاراده والتصميم

ذاكري اول باول

بس انصحج لا تاخذين اداري ؟؟ << صعب الكورس اللي فات سبعه من بنات كلاس اختي رسبووو فيه

المدني 2 حلو اما 3 صعب ف لا تحملين لنفسج فوق طاقتها

خذيلج مواد سهله مثل المتطلبات او تخصص اختياري

[صريحه]

مشكورة اختي ان شاء الله

[قانونية وافتخر]

وعليكم السلام ورحمة الله وبركاته..

انا عن نفسي كنت اعشق التزام 2 ، وعقوبات 2 ،، اما 3 ف نص نص ..

أول نصيحة غيري طريقة تفكيرج حبي المواد وحطي في بالج دوووم ان هالمساقات انتي تستمتعين
فيها وتدرسينها لأنج حابة تتعلمين مب عشان الامتحان وان شرح الدكتور رووعة وقاعدة تستفيدين وتفهمين ،، وابتعدي عن الزميلات المتشائمات (هذي نصيحتين قدمت لي وكان لها مفعوول جميل وحسن من مستواي :))

ثانيا .. يلسي في المقدمة ودوني الكلام اللي يقوله الدكتور أو أهم الاشياء ..

ثالثا.. ادرسي بطريقة الخرائط الذهنية طريقة رائعة في ترسيخ المعلومة..

أخيرا .. بالنسبة للملخصات فمتوفرة في المنتدى ما عليكي سوى الاطلاع للرابط ادماه فهرس لجيمع الملخصات الموجودة بقسم طلبة القانون ..

http://theuaelaw.com/vb/showthread.php?t=4095

وبعد شي كتاب شفته في المكتبة اسمه محاضرات في القانون الجنائي لدولة الامارات (قانون العقوبات القسم العام \الخاص ، قانون الاجراءات الجزائية) - للعقيد الدكتور\ ممدوح عبد الحميد عبد المطلب - اصدارات شرطة الشارقة ..

الكتاب روووعة يتكون من 88 صفحة (بس ما ينفع انج اتذاكرينه للامتحان لأنه وااايد مختصر) ، انما بامكانج الاطلاع عليه للاستئناس لأن الشرح بطريقة الخرائط الذهنية ..

بالتوفيق أختي صريحة :)

[صريحه]

مشكورررررررررررررررة اختي تسلمين
جزاج الله خير

[احمد بن سيف]

بسالكم ؟؟؟ انتو اي جامعة ؟؟