ساعدوني يالقانونيين

[أسرار المحيط]

السلام عليكم ورحمة الله وبركاته


ماعرف عالمقدمات :rolleyes:

ههههههههه


المهم اخواني وخواتي انقبلت في كلة القانون في جامعة عجمان بس ...
:(واايد خيفانه من هالتخصص خوفي يكون ثجيل علي ويتعبني للعلم ان احب كل شي سهل
يعني عيازه واايد اتعاايز

انصحوني وشجعوني واتمنى ان القانون يكون ممتع

وثاني شي شو ممكن اشتغل بعد التخرج اذا راد الله

عددوا لي الاماكن او المجالات اللي ممكن اشتغل فيها

خاصه ان بعد ابي الشغل السهل:rolleyes:ههههههههههه الله يكون في عونـي احس بشقا


عندي من اللحين لل مم مادري قريب ان اغير التخصص

وانا اتمنى ان ماغيره واتمنى الوقت يمر بسرعه عشان ماغيره وادرسه
:(:(:(:(:(حزينه

انزين شو المواد اللي انزلها في اول كورس
ماعرف شي ابد:confused:

[محمد ابراهيم البادي]

القانون ملح الحياة
فمن يلم بالنواحي القانونية لجميع افعاله وتصرفاته امن على حياته وعلى حياة الغير
دراسة القانون اساس جميع الدراسات
فلولا القانون لعاثت الدنيا بالفساد

[ياسيه]

اختى اسمحيلي بهل الكلام..القانون يباله دراسه وتركيز وقبل كل شي يباله العزيمة والاصرار..
اما الكسل والعيازة ما تنفع معاه..يحتاج لجهد عقلي وفكرى واهم شي طموحج ..
اتمنى لج التوفيج

[عبدالرحمن الشمري]

كلام اخوي محمد البادي ما عليه غبار

و انا رايي مع اختي ياسيه القانون فعلاً يبغاله دراسة و جهد .. اختي " اسرار المحيط " اذا بتشدين حيلك للدراسة ما انصحك غير تخصص القانون فمستقبله كبير و اذا شفتي نفسك فعلاً مالك خلق دراسة انصحك تدرسين علم الاجتماع بجامعة عجمان او الشارقة لان هالتخصص سهولته مثل شربة ماي

مجالات العمل للقانون متنوعة و مختلفة و مطلوب و مرغوب في جميع الأماكن

بالتوفيق اختي

[أسرار المحيط]

تسلم اخوي محمد عهالكلام الطيب والمشجع
تسلمين اختي ياسيه عالنصايح الحلوه وصح كلامج
تسلم اخوي عبدالرحمن عالنصايح الحلوه وهيه سمعت علم الاجتماع سهل وفي تخصصات سهله وحلوه

بس عندي كم يوم بس اذا بغير وبصلي استخاره اذا راد الله

ومشكووريييين الله يعطيكم العافيه

انتظر مزيد من النصايح

[بنوته قانونيه]

انا ادرس بنفس جامعتج الغاليه كبدايه اخذي متطلبات لين تتخذين القرار المناسب بعد الاستخاره طبعا

القانون لو يقولون لج حلو .. بس صدقيني يباله يعني مافي شي ب الحياه يمشي على هوانا لازم تتعبين حتى تحصلين كل شي ... وخلي همتج كبيره وطموحج قوي

فكري بالدراسه قبل الشغل وعندج وقت تسالين تخصصات ثانيه مثل الاعلام اشوفه خفيف ومعظم البنات فيه او العربي وغيره والحين فاتحين تخصص يديد ف الجامعه اونه اجتماعيات شي جي اسالي عنه

والله يوفقج

[أسرار المحيط]

تسلمين اختي عالنصايح- الحلوه

وخلاص ان شاء الله قانون

وان شاء الله اكون قد اختياري

بس ادعولي بالتوفيق

واخترت المواد المدخل لدراسة القانون وتاريخ التشريع الاسلامي ومهارات الاتصال باللغه العربيه (واخترت عقوبات عام 1 بس مارضى الدكتور يقول مايصير هالكورس اخذ هالماده وماكنت حاطه فبالي ماده اخرى فممكن ان اضيف الاسبوع الياي ماده واختار الدستوري


بس اشرايكم في الجدول شو المواد اللي اخترتها سهله وله صعبه


ممم

[لحن_المفارق]

شوفي اذا انتي تبين تستوي محاميه او قاضيه و هالسوالف يباله تعب و بحث اما شهاده اتعلقينها و تشتغلين في الشؤون القانونيه عادي مب تعب اسهل تخصص يمكن

[طالبة القانون]

أختي اسرار المحيط انا بعد نفسك في اول فصل وفي جامعه عجمان .... قالت لي طالبه بالجامعه كلمتين اعتبرهم حكمه اللي يدرس مافي شي صعب عليه ... ونحن لازم بالبدايه ندرس ونجتهد ... وبخصوص المواد اللي خذتيها .. حلوه انا خذت نفس موادج بالاضافه الي تاريخ العلوم عند المسلمين والقانون الدستوري والله يوفقنا يارب ... وانا بعد عندي طموح عالماجستير ان شالله اهم نقطه وحطيها في بالج ...وردديها في نفسج دووم ...

اللهم اني نويت دراسة القانون لأطبق العدل ... اللهم احسب لي الاجر وساعدني على تطبيق كلمة الحق ورفع الظلم على المظلومين ورفع رايه الحق في ظل شريعتنا الاسلاميه

اللهم آمين :)

الله يوفقنا ودعواتكم ....

[قانونية وافتخر]

أختي اسرار المحيط انا بعد نفسك في اول فصل وفي جامعه عجمان .... قالت لي طالبه بالجامعه كلمتين اعتبرهم حكمه اللي يدرس مافي شي صعب عليه ... ونحن لازم بالبدايه ندرس ونجتهد ... وبخصوص المواد اللي خذتيها .. حلوه انا خذت نفس موادج بالاضافه الي تاريخ العلوم عند المسلمين والقانون الدستوري والله يوفقنا يارب ... وانا بعد عندي طموح عالماجستير ان شالله اهم نقطه وحطيها في بالج ...وردديها في نفسج دووم ...

اللهم اني نويت دراسة القانون لأطبق العدل ... اللهم احسب لي الاجر وساعدني على تطبيق كلمة الحق ورفع الظلم على المظلومين ورفع رايه الحق في ظل شريعتنا الاسلاميه

اللهم آمين :)

الله يوفقنا ودعواتكم ....


ما شاء الله كلام جمييل ومحفز ربي يعطيج العافية أختي .. وربي يوفقكم في دراستكم :)

[طالبة القانون]

شكرا عزيزتي قانونيه وافتخر .... وانتي ماشاءالله ماعليج زود يالغاليه

[حتى ظلي له مهابه]

http://www.lawjo.net/vb/showthread.php?2337-%D8%AA%D8%AE%D8%B5%D8%B5-%D8%A7%D9%84%D8%AD%D9%82%D9%88%D9%82-(%D8%A7%D9%84%D9%82%D8%A7%D9%86%D9%88%D9%86)-..-%D8%AA%D8%AD%D8%AA-%D8%A7%D9%84%D9%85%D8%AC%D9%87%D8%B1
هذا موضوع قام بشرحه طالب قانون فيما يخص التخصص وما هي مجالات العمل به

تحياتي

[Hamad Ali]

السلام عليكم جميعا .. أختي بخصوص دراسة القانون فهو تخصص جميل جدا وله وزنه ومثل ماتشرف اخويه محمد البادي لازم تحبين التخصص وتتفنين فيه وتشدين حيلج ولا تستسلمين لتعقيدات القانون فما هو الى كلام بشر فالنهايه لكثرة القوانين الوضعيه فالاغلب وتمنالج كل التوفيق والنجاح انشاء لله وذا احتجتي اي مساعده او شرح لماده الاخوان مابيقصرون وياج ونا اولهم .. شكرا

[أسرار المحيط]

الحمدلله بديت في دراسة القانون



كنت حاطه في بالي القانون حفظ بس اتضح لي ان القانون يباله فهم

وللحين والحمد لله من اللي خذته احس براحه


وحطيت فبالي ايجابيات ومميزات القانون

وانا متأكده ان ماراح اندم

مافي شخص ينجح عالبراد
التلخيص بأسلوب الفهم نقطة ضروريه
مراجعةالدروس اول بأول نقطة ضروريه




حبيت اشكركم جزيل الشكر على تشجيعكم لي
واشكر كل من ردو علي بالموضوع واشكر اللي راسلوني عالخاص بغرض مساعدتي في القانون\\

والله يوفق الجميع ويزاكم الله خير
ماقصرتوا

وان شاء الله ما افكر بالشي السهل وبس ههههه
الحياه فيها سهل وصعب



مرتاحه بس ادري ان بتعب ههه
وادعولي بالتوفيق وان اكون دوم مرتاحه وتسهل اموري