ليش؟!!

[ام بسام]

أولاسامحوووونييي أنافعلا ماأقصد الإساءه لأي حد أوكي..بس هاي أسئله محيرتني واتمنى ماتزعلون مني ..


السؤال الأول موضة الشباصه العوده الي على الراس !! ماأشوف لهامعنى والبنت امسويتنه أحس مثل الريال الي لابس الغتره الكوبره ومتزقريت وساير للحلاق ومتعطر بس ماتقدر اتشوف غير هاالغتره الي على راسه:confused:.. لا ويسألك ليش ماتطالعني يوم أكلمك واتطالع لفوق طبعا ماتسمعه لأنه الغتره سالبه كللل تفكيرك:rolleyes:..والمشكله انها أبدا مب لايقه ولاحلوه عليه مثل ما الشباصه العوده مب لايقه على أي بنت وبالعكس امشوه مظهرها ويوم أشوف وحده مابقول.. بس الله يهدينا ويهديهم..فليش ومتى بتنتهي هالموضه الي ماعرف هل هي دخيله ويلااا؟


والسؤال الثاني ليش الألوان هاي الي على العبااه والورود والليتات الي يديم على العين وديزاينات غريبه وعجيبه لا والمشكله انها أغلى من العباه الي ديزاينها بسيط وبدون ألوان بوااايد..هذا من حظي طبعا.. بس ليش .أحسها ضيعت معنى العباه تماما ..لا وكل مرة تطلع مصممة عبي في مقابله واتقول هاذي عباه كذا وهاذي عباه كذا وكل الي أشوفه فساتين سهره بس سود ومرات كثير بألوان وورود ..فليش؟.. العباه حلاتها بلونها الأسود وديزاين بسيط محتشم طبعا واذا ماكان فخطوط ملونه بسيطه جدا للفتره المسائيه ..وبليزز لاتقولو لي حريه شخصيه والسموحه مره ثانيه وأختم كلامي بقول الرسول صلى الله عليه وسلم "نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولايجدن ريحها"...




أكيد مش منقووول

[دبلومآسية]

اختي ام بسام اذا ما عليج امر ممكن
اتعدلين الخط لانه مب مفهوم
اكون شاكره لج

[عقد القانون]

بالنسبة للسؤال الاول:-

اولا انا بروحي استغرب من هالشباصات والله اذكر فكلاس من كلاساتي كنا انا وربيعتي مانشوف الدكتور والسبه ان اللي جدامنا >>تقولين حاطه جدر ع راسها !!

يعني مبين ان هالشباصات تخرب شكل الراس وبعد مب عارفه شو الحلو فيها !!!!؟؟؟؟؟

و يوم تسألينهم ليش جي تحطون يقولون لج علشان ان هالشباصات اثبت الشيله ..!!

انزين نحن نحط بس باحجام صغيره ومانرفعهم لقمة الراس وشيلنا الحمدلله ثابته ...!!!

وبالعكس الرياييل احس ان هالغتر حلوه عليهم بس لايبالغون وااايد عاد:d هع

السؤال الثاني:-

الحمدلله انا احب العباه البسيطه واهتم للاحتشام أكثر من شكل العباه ..

ودووم يوم نروح نفصل عبي البايع يطلع لنا عبي اشكال والوان ويقول انها الموضه ..!!

المشكله مب مشكلة البائع او تصميم المصمم المشكله فاذواق البنات نفسهم يعني صارت اذواقهم كلها تميل للشي الملفت يعني يدورون دواره ع الاشياء اللي فيها أشكال بارزه والوان ..!!


يعني اوكي نحن نلبس هالعبي فقط في المناسبات وبعد نشوف عمارنا بالغنا فشكل العباه ويوم نحضر المناسبه ننصدم ان العباه اللي لابسينها استر عباه مبينهم ...!!!

لان اللي تتعود عالعباه البسيطه صعب انها تلبس شي مبالغ فيه ..؟؟

بارك الله فيج خيتوو على طرح هالتساؤلات ..!!

الله يهدي الجميع ان شاء الله..

لج مني اجمل تحيهـ..

[محمد ابراهيم البادي]

اطلبوا الهداية لنا ولهم

[سعيد مرزوق]

لي عوده للموضوع يباله يلسه على رواقه.......
يسلموا ام بسام مقدماً وبناقش فيه عقب ( لأنه محتاي جريده هع)

[ثورة امرأه]

مشكووره أم بسام عالطرح.. الله يهديهم الصراحه صارت هالشباصات موضه وهابين البنات فيها وللاسف شكلهم مووول مب حلو وأونه استايل وكشخه والمشكله البنات الصغار يقلدن الكبار وماشيه عالكل
.
.

أما بالنسبه للعبي صارت مب رمز للحشمه والستر صارت مفاخر والبنات يتسابقن عليها ومنو يطلع فكره يديده ويطبقها وحتى فالعزايم والاعراااس هيه تكون بدال الفستان والالوان حدث ولا حرج بصراحه هاللي يلبسنه البنات فالمولات أو الدوام أنا حتى فالاعراس ما البسه والحمدلله إني أمييييل للون الاسود ولا أحب هالخرابيط.. والله يهدي الجميييع.. استووا البنات يخربطن بين الذووووق والتقلييييد الأعمى..

[بنت أبوها]

أنا أشوف إنو هادي حريه شخصيه ،ومافيها حاجه لو إنها لبست عبايه ملونه ولا بموديلات ،هيا بالنهايه إلي حتنلام أو حيمدحوها ماهو حد تاني

[غلا2010]

الموضوع الأول الشباصات الكبيرة
رواه مسلم في صحيحه عن النبي صلى الله عليه وسلم أنه قال : ( صنفان من أهل النار لم أرهما رجال بأيديهم سياط كأذناب البقر يضربون بها الناس ونساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها ) أصلا هذه الشباصات الكبيرة حرام وتلفت الانتباه ومعظم النساء والبنات يعرفن هذا الشئ بس لا حياة لمن تنادي الله يهدي ويصلح الجميع ويجب على بعض الأمهات أن ينتبهن لبناتهن عندما يضعن هذه الشباصات الكبيرة.

أما بالنسبة للعباه
لازم تكون العباه بسيطة ساتره لجميع الجسم واسعة لا تبدي تقاطيعه وألا تكون فيه زينة تلفت إليها الأنظار.
وبعدين من تنزل عباه جديدة أغلبية البنات يسيرن يفصلن على الموضة من ألوان ونقشات ويقولن هذي الموضة ونحن نمشى على الموضة وشوفي الألوان وشكل العباه ما تقولي هذي عباه كأنها لابسة موديل أو فستان.
الله يعين الأهل ويهدي هذا الجيل.

[بنوته قانونيه]

أنا أشوف إنو هادي حريه شخصيه ،ومافيها حاجه لو إنها لبست عبايه ملونه ولا بموديلات ،هيا بالنهايه إلي حتنلام أو حيمدحوها ماهو حد تاني





السموحه اختي بس اصلا مصطلح (( حريه شخصيه )) مصطلح غربي جابو لنا عشان نتعذر فيه

وبعدين اي الوالن واي زينه تزين البنت البنت زينتها بحشمتها وبوقارها

وجمالها الطبيعي البرئي

الرباني

كل شي خربوه حتى الكلمات ماعرف لكل شي جابو له جواب حسبي الله ونعم الوكيل

وام بسام يعطيج العافيه حبيبتي

وانا اشوف ان الواحد يتكشخ بس بالشي اللي فيه حشمه ووقار مب فيه بهرجه ولفه للانظار

وللي اصلا يسوي هالشكل مب ويه علم ولا ويه احترام

تحياتي

[ام بسام]

لي عوده للموضوع يباله يلسه على رواقه.......
يسلموا ام بسام مقدماً وبناقش فيه عقب ( لأنه محتاي جريده هع)
عقب متى :confused:خست وأنا أتريا:mad:

[دبلومآسية]

بالنسبه لموضوع الشباصات ( برج العرب هع هع )
انا ما اعرف هذول البنات اشلون يستحملون هالشباصات الاكبيره
نحن انحطي الشباصات الاصغار وراسنه يعورنا ولا ازيدج من الشعر بيت
الحين قامووو يحطون قواطي بشعرهم عسب القنبوعه تكبر ههههه
ابغي اعرف هذول ما يجوفون عمرهم يطلعون جنهم كائنات فضائيه


اما بالنسبه للعبي
صح نحن انفصل عبي فيها الوان و زينه بس كل عبايه ولها المكان المناسب
مثل رايحه سوق حلاته اتكون العبايه ساده او فيها شغل خفيف وحق الزيارات والمناسبات
عادي اتكون العبايه ربشه

[ام بسام]

أنا أشوف إنو هادي حريه شخصيه ،ومافيها حاجه لو إنها لبست عبايه ملونه ولا بموديلات ،هيا بالنهايه إلي حتنلام أو حيمدحوها ماهو حد تاني


إختي..الحريه الشخصيه لما اتكون اتخص الشخص نفسه فبنسميها حريه شخصيه ،أما إنها تأذي أول شي العين ويستجنها الناس واتمس ذوق بلاد ،فما أسميها أبدا حريه شخصيه
إحنا إختي لو حطونا بس فمرتبه الفاشن ،بنكون يمكن أسوأ فاشن يعني أسوأ ذوق،شو عباه بجناح وملون ،شو وروود وليتات والوان غريبه ،لا والبايع يحطها بأغلى الأسعارعسب الطلب عليها زايد ،ليييش:eek:...وشو شباصه على الراس جنه طاسه ،يعني الواحد لو اظطر يسوي ذنب يسوي شي يحليه مو يشوه مظهره ويخلي الناس تضحك عليه وفوق هذاكله يكسب ذنوب،لا وبعد الحين استوى على مقدمة الراس يحطون شباصات والحبيبه الي حاطنتنها تتحرى عمرها جذابه من الناس الي يطالعونها.
أخاف في يوم يحطونا في برنامج من غرائب وعجائب تقاليد البلد ،فيحطون وحده يايه من إفريقيا وحاطه أساور ذهب على رقبتها عشان طوله ووحده من اهني بعباتها الأجنحه والشباصه العوده على الراس.

[The law. Hanawee]

السلام عليكم

اشكرج اختي عطرح هالمشكلة و اللي تحولت لظاهرةفي الآونة الأخيرة.
انا الصراحه واايد اتفشل يوم يسألوني مدرساتي الاجنبيااات عن هالموضة الغريبة العجيبة و
يتحسبونها من الترااث و التقاليييد.:eek::eek:
و انا اتم فاجة حلجي و ما اعرف بشو ارد عليهم لأن بروحي مب رايمة اتقبّل هالشي<<فيس منحول من الألواان الفااقعة.

الله يهدي الجميع

[mariam alkaabi]

ام بسام بالنسبة لسؤالج عن الشباصات وسببها فأنا بجاوبج مثل ما قال لي اخوي مره (البنات لكل شي ناقص فيهن عندهن حل) هو يعتقد انه سالفة الشباصة الكبيرة طلعت على اساس انه البنت تخبر الخلق انه شعرها طووووويل وغلييييظ هههههههههههه هذا تفكيره....

بالنسبة للعباة بخبرج قصة صارت في بيتنا (مره وحدة يايه عندنا "الله يهدينا ويهديها يا رب" فيوم يات بتطلع قالت امي حق اختي قومي يبي عباتها "طبعا امي ما كانت موجودة يوم دخلت البيت" قالت لها "خالتي هذي عباتي لابستنها" طبعا امي خلالالالالالالالالالاص وين تودي ويها )ههههههههههه انحرجت



الله يهديهم ويهدينا يا رب



تحياتي

[ام بسام]

محمد البادي

العسل

ثورة إمرأه

مشكورين ^_^ ولو إنها متأخره

الغلا
شكرا على الحديث الشريف وعلى التعليق

بنوته قانونيه
وااايد إتعيبني ردودج :D:D

ديبلوماسيه

قواطييي:eek:،إبوي قوليلهم حق اشوه هاذا كله الشباصات موجوده على حسب الطلب ،شي إكس لارج ،إكس إكس لاارج وإذا تبا بعد أكبر ،كلو في موجود ،ماله داعي للقواطي وللغراشي

law Hanweee
أولا أرحب فيج الغاليه،ومشكوره

مريم الكعبي
تسلمين على التوضيج،وعلى قصه البنت الي كانت عندكم والوالده وأنا أقرى وأضحك :Dتسلمييين

بنت أبوها
تسلمين على المرور