مدخل إلى علم الاقتصاد .. محتاية مشورتكم

[حيرانة]

السلام عليكم والرحمة ..

مثل ما عارفين هاذي أول سنة لي فالشريعة والقانون

وأدرس مدخل لعلم الاقتصاد

أنا فالثانوية كنت فالقسم العلمي .. وما ندرس اقتصاد يعني

عسب جيه لاقية شوية صعوبة .. مع انه الاستاذ ما شاء الله فناااان ..

بس بعدني متخوفة شويه .. ومن الامتحانات

وهو قال لنا بيتفق ويانا ع طريقة الامتحانات وجيه .. بس بعدني متخوفة >< ...

بشو تنصحوني .. كيف اذاكر لهالمادة ؟

وبشكل عام كيف اعطي كل مادة حقها ؟؟؟

مب عارفة كيف انظم وقتي بصراحة

[حيرانة]

شو السالفة

هذا ثاني موضوع لي واشوف المشاهدات تزيد بليا مشاركة

[طالبة قانونية]

عليكم السلام ورحمة الله وبركاته
اختي معاج حق الاقتصاد صعب شوية ويحتاج تركيز
شوفي لازم تدرسين اول باول يعني من ترجعين للبيت تدرسين كل شي درستيه بالمحاضرة ولو قدرتي اقري الموضوع الي بعده حتى تكون عندج فكرة عن الموضوع بالمحاضرة الجاية
بالنسبة للاقتصاد كل تعريف تدرسيه اكتبيه على ورقة جانبية بحيث اي تعريف يمر عليج تكتبيه بهالورقة لان التعاريف بالاقتصاد كثيرة
اتمنى اكون افدتج وسامحيني على القصور
موفقة ان شاء الله
بالنسبة لباقي المساقات ما اكدر اساعدج الا لو عرفت انتي باي جامعة؟؟

[قانونية وافتخر]

بالتوفيق خيتو .. أنا عن كنت مستصعبة المادة في البداية بس لما ذاكرته للفاينل تندمت واايد إني ضيعت دجات الميدتيرم لأن اتضحلي أن المادة سهلة وسهلة وااايد بعد :d:d

من بداية الكورس شدي حيلج في هالمساق وركزي مع الدكتور وراجعيه أول بأول ،، لأن بامكانج تحصدين الدرجات من الكويزات والواجبات،،

ما عليج خوف ان شاء الله وفالج ال a.. :)

[حيرانة]

طالبة

قانونية


تسلمن لي حبيبااااات قلبي ... وهذا العشم فيكن دووووم


ان شاااء الله بمشي عالكلام اللي قلتوه والله ولي التوفيق


لا هانكن الرب

[قانونية 1]

بخصوص الاقتصاد انا بعد متخوفة واااايد من هالمادة وكل مرة أأجلها لأن في جامعة عجمان بالفجيرة تعطينا
دكتورة وهي بروحها تصعب علينا المساق من جذه دومي أأجل هالمساق ..
لا تقلقي وذاكري أول بأول وان شاء الله مايمر هالكورس الا وانتي يايبة a وربي يوفقج يا أختي

[حيرانة]

قانونية

غيري هالفكرة وان شاء الله بيتغير الوضع

نحن أستاذنا ما شاء الله فنان بس المساق يديد عليه عرفتي؟

الله يسمع منج لكل المساقات

ولج بالمثل ان شاء الله حبيبة قلبي

[عقد القانون]

الغاليه حيرانه ..

أنا كنت شراتج .. بس الحمدلله الماده كانت جدا سهله وخاصه الفاينل كان وايد سهل وحلو ..

لاتحاتين ان شاءالله بيكون سهل عليكم .. بس ركزي عالتعاريف واذا الدكتور عطاكم مسائل خلج وياه اول بأول ..

وبالتوفيج ان شاءالله حبوبه ..

[حيرانة]

تسلمين غاليتي مثل العسل

الحمدلله وااااايد ارتحت من كلامكم .. وحسيت اني مصعبة الموضوع بنفسي


مااا قصرتوا ^^