شو تنصحوني

[قانونية 1]

أنا طالبة في جامعة عجمان للعلوم والتكنولوجيا فرع الفجيرة

خذيت هالمساقات الستة وبحاجة لنصائحكم بخصوص المساقات والدكاترة وخاطري اتخرج بسرعة واخلص بس مب عارفة كيف أرتب أموري المفروض باقيلي سنة وكورس

هالكورس سجلت 6 مساقات وهم :-

اجراءات مدنية 1 عند دكتور سامر القطان

مدني 4 عند دكتور عاطف

بحري وجوي عند دكتورة حنان

عقوبات خاص 1 عند أمين دهمش

أصول فقه عند دكتور خلف

النظام القانوني للأسواق المالية عند دكتور محمد عبد النبي


ياريت تساعدوني أخواني ساعات احس اني غلطت في هالمساقات

[طالبة قانونية]

اهلا وسهلا بيج
انا تخرجت من جامعة عجمان فرع الفجيرة
المهم : المساقات الي سجلتيها سهلة مو صعبة بس بحري وجوي يحتاج شوية تركيز بس هو سهل وبالنسبة للدكتورة انا ما اعرفها لان وكتها دكتور سمير درسني
اجراءات مدنية سهل وهم الدكتور للاسف ما اعرفه ما درسني

دكتور خلف اسلوبه كتالي اكتبي كل شي يكوله بالمحاضرة والامتحان يجي منه يعني ما يجيب شي من برا كل من الي هو يحجيه بالمحاضرات
دكتور عاطف ركزي وياه بالشرح والكتاب بس ومدني 4 سهل
عقوبات خاص 1 سهل كثير واسئلة دكتور امين حلوة كثير ومن المقرر
وبالنسبة النظام القانوني للاوراق المالية لا المساق اعرفه و لا الدكتور

اتمنى اكون قدمتلج فائدة وسامحيني على التقصير
بالتوفيق ان شاء الله

[قانونية 1]

مشكوووووووووووورة أختي طالبة قانونية ساعدتيني كثير ربي يجزيج الجنة
ومبروووك على التخرج ..

بخصوص الاجراءات المدنية اسم الدكتور محمد سامر أعتقد هو سوري يقولون يرسب في المادة

بس بنجربه وان شاء الله يكون عكس توقعاتنا ..

[قانوني 89]

انا بعد طالب في جامعة عجمان فرع الفجيرة
بخصوص المواد اللي ما خذتها اجراءات مدنية1 مع الدكتور محمد سامر القطان الماده سهله والدكتور شرحه حلو بس شوي يدقق في الاجاباات يعني يبي اجابات نموذجية نفس مال الكتاب
ومادة مدني اربعة بعد سهلة بس مب وايد يعني اسهل من مدني 3 والدكتور عاطف مافي احسن من شرحة عصب تفهم له
وبحري وجوي بعده ما خذته والدكتورة حنان يديده هذا اول كورس لها وانا ادرسني تجاري 3 احس احنه شرحها اوكي وبتساعدنا
وعقوبات خاص 1 وااايد سهل والدكتور امين عسل .... جان تبي واسطه فالج طيب خخخ

واصول الفقة سهل بس يلخبط لانه فيه وايد اراء للعلماء وتتلخبطي فيه ونفس ما قلت الاخت اكتبي كل شي يقولة الدكتوور

وموفقة اختي في الدراسة

[قانونية 1]

مشكور أخوي يعطيك العافية ..

صدق دكتور أمين وايد اوكي في هالمساق الله يوفقنا يارب وفعلا دكتورة حنان وااااايد اوك بعد
ودكتور محمد سامر القطان صراحة وايد يخوفني مسوي لنا فيلم رعب والله يستر سمعت انه مرسب بنات
والله كريم ان شاء الله

تسلم أخوي ويعطيك العافية

[قانوني 89]

لا تخافي الدكتور محمد سامر القطان خذيت عنده مساقين عطاني a.b و انشاء الله بيعطيج الدرجة اللي تتمنيها

[قانونية 1]

ان شاء الله يارب تسلم اخوي قانوني وربي ينولك اللي في بالك ..
وان شاء الله بحاول اشد حيلي هالكورس مع محمد سامر وعسى ننجح بتقادير عالية ان شاء الله
وبخصوص دكتور امين دهمش عطنا اسئلة امتحاناته هههههه انا متأكدة انها بتكون سهلة