سنه اولى فالكليه ومحتاره في عدد المواد واهمهااا ..

[مس عسوله]

السلام عليكم ورحمة الله وبركاته

اشحالكم اخواني وخواتي عساكم بخيرر

طبعا هذي اول مشاركه لي وفيها استفسار واتمنى انكم اتفيديوني

لاني ابى اختار المواد المهمه فالشريعه والقانون والي اقدر اني اندمج وياهم بسرعه وكم ماده اختار

لاني مستجده
ومالقيت اي حد يقدر يفيديني بها الشي
مع العلم الفتره الزمنيه الي مختارتنه 10 ساعات فالكورس

والسمووحه منكم

[سعيد مرزوق]

أختية أنتي في أي جامعة لأن المساقات تختلف من جامعة إلى أخرى ؟


و10 ساعات في الكور صعيبة ممكن تكون 9 ساعات أي ما يعادل 3 مساقات
أو 11 ساعة (وتعتمد على حسب المساقات المطروحه) أي بمعدل 4 مساقات
والأفضل أن تاخذي 15 ساعة أو أكثر لكي تنتهي من الدراسة في الجامعة بأربع سنوات أو ثلاث سنوات ونصف
بإذن الله

[مس عسوله]

انا فكلية امام مالك فدبي
وسألتهم عن الساعات قالولي دامج مستجده واول سنه لج ننصحج
تاخذين 10ساعات
فمشيت على شورهم والحين محتااره فالموااد ابى اعرف شو المواد الي تنصحوني فيهم وكم ماده

[سعيد مرزوق]

كلية الإمام مالك أعتقد بأنها تأخذ بنظام الكورس وليس بنظام الساعات المعتمدة !!!

للأسف أختاه ليس لدي فكرة كلية الإمام مالك ولكن قد يفيدك الأعضاء الآخرين

[قانونية وافتخر]

ممكن تكتبيلنا المواد المتوفرة واللي مسموح لج ان تاخذينه فأول كورس ونحن انقولج لأن مسميات المساقات تختلف من جامعة لأخرى..

وممكن بعد الأخوان المنتسبين لذات الجامعة أن يفيدونج أكثر مثل الاستاذ za3bil uni

أما بخصوص عدد الساعات فأنا مع أخوي سعيد مرزوق الأفضل إنج تاخذين 15 ساعة عسب اتخلصين بسرعة..

بس سؤال كم مجموع الساعات المطلوبة للحصول على شهادة القانون في كليتكم؟؟

بالتوفيق ان شاء الله..

[مس عسوله]

مشكور اخووي سعيد
وان شاء الله القى الي يفيديني
يزاك الله الف خير

[مس عسوله]

ممكن تكتبيلنا المواد المتوفرة واللي مسموح لج ان تاخذينه فأول كورس ونحن انقولج لأن مسميات المساقات تختلف من جامعة لأخرى..

وممكن بعد الأخوان المنتسبين لذات الجامعة أن يفيدونج أكثر مثل الاستاذ za3bil uni

أما بخصوص عدد الساعات فأنا مع أخوي سعيد مرزوق الأفضل إنج تاخذين 15 ساعة عسب اتخلصين بسرعة..

بس سؤال كم مجموع الساعات المطلوبة للحصول على شهادة القانون في كليتكم؟؟

بالتوفيق ان شاء الله..

امممم ماعرف ابصراحه شو هي المواد المتوفره واللي مسموحه اني اخذها ,,بس عندي كتيب مكتوب عليه البيان العام لخطه الدراسيه ابصرااااااحه راسي دار وانا اقراه فيه متطلبات اجباريه واختياريه وف كل واحد من هالمتطلبات فيه مساق معين
مثلا في متطلبات الكليه العامه الاجباريه مساقات مختلفه منها :اللغه العربيه ,مهارات الاتصال باللغه الانجليزيه,المدخل الي علم الاقنصاد,علم النفس, تقنية المعلومات,اساسيات علم الفلك,اساسيات الرياضيات الحديثه

والاختياريه :مبادىء الاداره .قضايا الاسلاميه المعاصره,حقوق الانسان في الاسلام والمواثيق الدوليه,تقنيات المعلوماتيه,الحضاره الاسلاميه


وفيه بعد مساقات على حسب الفقه منها المالكي والشافعي وانا اخترت المالكي منها فقه العبادات والمعاملات والاسره
واشيااااااااء واايد اتمنى اني ماطوولت عليج اختي والسموحه منج :)


وشسمه بخصوص الساعات المطلوبه للحصول على الشهاده ماعندي خلفيه عن الموضوع

[قانونية وافتخر]

ايوا نحن عندنا ف جامعتنا من دفعة 2008 اتبعوا مع المستجدات طريقة حلوة زهي ان أول جدول شعبة القبول والتسجيل هم اللي يسوولهم..

انا عن نفسي خذت فأول كورس 5 مساقات وكنت مسجلة (مدخل القانون.. مدخل إلى الفقه الإسلامي>> أجباري كلية).. (عربي1. اجليزي1.. ثقافة إسلامية إجباري جامعة) ،، وطبعا سألت المرشد الأكاديمي وهو اللي سوالي جدولي..

اللي تطرينه يسمونة الخطة الدراسية ومن خلالها بتعرفين شو اللي لج وشو اللي عليج يعني المساقات اللي بتاخذينها،، وفي مساقات ما تقدرين تاخدينها إلا لما تاخذين المساق اللي قبله والخطة اتبينلج هالشي..


السموحة أختي ع القصور وأي سؤال عندج قوليلنا وبنحاول انساعدج باللي نقدر عليه..

بالتوفيق إن شاء الله..

[مس عسوله]

ايوا نحن عندنا ف جامعتنا من دفعة 2008 اتبعوا مع المستجدات طريقة حلوة زهي ان أول جدول شعبة القبول والتسجيل هم اللي يسوولهم..

انا عن نفسي خذت فأول كورس 5 مساقات وكنت مسجلة (مدخل القانون.. مدخل إلى الفقه الإسلامي>> أجباري كلية).. (عربي1. اجليزي1.. ثقافة إسلامية إجباري جامعة) ،، وطبعا سألت المرشد الأكاديمي وهو اللي سوالي جدولي..

اللي تطرينه يسمونة الخطة الدراسية ومن خلالها بتعرفين شو اللي لج وشو اللي عليج يعني المساقات اللي بتاخذينها،، وفي مساقات ما تقدرين تاخدينها إلا لما تاخذين المساق اللي قبله والخطة اتبينلج هالشي..


السموحة أختي ع القصور وأي سؤال عندج قوليلنا وبنحاول انساعدج باللي نقدر عليه..

بالتوفيق إن شاء الله..
تسلمين اختي وماقصررتي
ربي يعيطيييج العاااااافيه :)

[قانونية وافتخر]

العفو اختي ما سويت شي..

وربي يوفقج ف دراستج وشدي حيلج من أول كورس لأن درجاتج تنحسب من ضمن المعدل التراكمي وفالج الامتياز إن شاء الله ^^

[مس عسوله]

ان شااء الله ربي يسمع منج ^_^

[حوراء]

ماعندي علم بهالكليه
بس اشوف 10 ساعات شوي حتى لو على مستجه
15 ساعة مقبوله اما 10 شوي

و المواد
لا تكثرين من اجباري جامعة / اختياري جامعة في اول سنه يعني لا تخلصينهم بسرعة لان هالمواد تساعدج انج تحافظين على معدلج في السنه الثالثه والرابعة
فسوي فيهم كوكتيل من كل بستان زهره